Апта басындағы аппараттық кеңес

52 Просмотры
Издатель
Апта сайынғы жедел жоспарлы отырыс қала әкімінің орынбасарына тағайындалған Сағындық Шабаровты таныстырудан бастау алды. Еңбек жолын 2002 жылы Степногорск қалалық қазынашылық басқармасы бөлімінің жетекші маман - қазынашысы болып бастаған. Бұған дейін қалалық білім бөлімінің басшысы қызметін атқарды. Бұдан кейін, бірінші жартыжылдықтағы қала бюджетінің орындалуы мен ауыл шаруашылығы бөлімі мен полиция басқармасының атқарылған жұмыстары бойынша есебі тыңдалды. Шаһар басшысы Еркебұлан Баяхметовтың төрағалығымен жүзеге асқан жиналыс жалғасында халықты жаппай вакцинациялау да талқыланып, дербес бөлім басшылары мен жауапты жүйе өкілдеріне тапсырмалар жүктелді. Күн тәртібіндегі алғашқы сауал бойынша экономика және қаржы бөлімінің басшысы – Шолпан Төлегенова ақпаратын ұсынды. Жауапты жүйе жетекшісінің мәліметіне сай, есепті кезеңде Кірістер 117,5% орындалған. Жиналыс барысында «Егін жинау науқанына дайындық және қысқы кезеңге жемшөп дайындау» жөніндегі ақпарын ауыл шаруашылығы және жер қатынастар бөлімі басшысының міндетін атқарушысы – Дәурен Нұрабаев ұсынды.

«Қоғамдық тәртіпті сақтау және құқық бұзушылықтардың алдын алу» бұл сұрақ та күн тәртібіне қойылып талқыланды. Ағымдағы жылдың 7 айының қорытындысы бойынша барлығы 323 құқық бұзушылық тіркелген, оның ішіндегі 228-і қылмыс, өткен 2020 жылға қарағанда 13,9% - ға аз. Қылмыстарды тіркеудің негізгі үлесі бөтен мүлікті ұрлауға тиесілі, яғни 107 жағдайды құраса, ондағы 36 пәтер ұрлығы және 51 алаяқтық фактісі.

Осылай деп мәлімдеген баяндамашы, жазадан құтылмау мақсатында жеке құрам күн сайын құқық бұзушылықтардың алдын алу бойынша жұмыс жүргізетінін де алға тартты. Мәселен, ағымдағы жылы тұрмыстық зорлық-зомбылық фактілерінің жолын кесуге, есепке алынған контингенттің профилактикасына және қоғамдық тәртіпті сақтауға бағытталған республикалық ауқымдағы 7 жедел алдын алу іс-шарасы өткізілген.

Күн тәртібіне қойылған барлық баяндамалардан соң, тұрғындардың індетке қарсы екпе алуын одан әрі белсендіру қажеттігі сөз болды. Ол үшін ғаламтор ресурстарында ақпараттық түсіндіру жұмыстарын барынша ұлғайту керек деп отыр қала басшысы. 3 тамыздағы жағдайға сәйкес қалада 17804 адам коронавирусқа қарсы вакцина ектірген. Бұл дегеніміз вакцина алуға жататын 35139 адамның тек 50 пайызы ғана.

#mediastep​​​​​​​​​​​​​ #media​​​​​​​​​​​​​ #stepnogorsk​​​​​​​​​​​​​ #mediastepnogorsk​​​​​​​​​​​​​ #stepnogorsknews​​​​​​​​​​​​​ #aqmolanews​​​​​​​​​​​​​ #aqmola​​​​​​​​​​​​​ #aqmolaregion​​​​​​​​​​​​​ #kazakhstan​​​​​​​​​​​​​ #journalism​​​​​​​​​​​​​ #tv​​​​​​​​​​​​​ #news​​​​​​​​​​​​​ #степногорск​​​​​​​​​​​​​ #медиастепногорск​​​​​​​​​​​​​ #медиацентрстепногорск​​​​​​​​​​​​​ #городскоетелевидение​​​​​​​​​​​​​ #степногорскофициально
Категория
Степногорск
Комментариев нет.
Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА