«Қамқорлық» оңалту орталығы ашылды | Jibek Joly news

Атырау облысы Миялы ауылында оңалту орталығы ашылды. Жаңа нысанда емделушілер үшін барлық жағдай жасалған. Игі бастамаға «Самұрық-Қазына» қорының компаниялар тобы атынан «Samruk-Kazyna Trust» қоры қаржылай қолдау көрсеткен. Бұдан бөлек, ерекше жандарды өзге ауылдардан тасымалдау үшін инвотакси көлігі берілді.
Бұған дейін мүмкіндігі шектеулі азаматтар ем қабылдау үшін қалаға сабылатын. Енді, міне ауылда алғаш рет жаңа «Қамқорлық» деп аталатын оңалту орталығы ашылды. Тұрғындар да дән риза.
Жасұлан Жандосов, Миялы аулының тұрғыны:
– Бұған дейін, біз Астана, Алматы, одан бөлек қалаға баратынбыз. Қасымызға адам іздеп. Такси іздеп қиналатынбыз.Ауылда ашылып жатқанына қуанып жатырмыз. Күнделікті келіп тұруға жақсы болды. Қуаныштымыз.
Орталықта оннан аса білікті мамандар ерекше жандарға түрлі емдеу шараларын жүргізеді. Олар арнайы кесте бойынша диагностикадан өтіп, ем қабылдайды. Барлығы тегін.

Асылбек Мұратов, Оңалту орталығының директоры:
– Халықтың сұранысы қандай болады,сол мамандарды тартамыз. Алдағы уақытта жоспарда 2025 жылға қарай ұлғайту мақсатымызда бар. Қазір 92 адам тіркеуде тұр. Сағыз, Мұқыр округтері кішкене алыс болғандықтан,ол адамдарды аптаның күнге бөлеміз, арнайы график шығаратын боламыз.

«Самұрық -Қазына» қоры инклюзия бағытында бірқатар әлеуметтік жобаларды жүзеге асырып жатыр. Бұл осымен ел бойынша ашылған қырық екінші орталық. Осылайша, қор тең қоғамды қалыптастыру арқылы әлеуметтік бағытқа басымдық бермек. Бұдан өзге қор спорттық бағытты да қамтуды жоспарлап отыр.
Қазір Миялы ауылында 90-ға жуық мүмкіндігі шектеулі жан бар. Азаматтардың жүріп тұру, қауіпсіздігі үшін инвотакси көлігі де берілді.

«Jibek Joly» телеарнасы ұсынады! Теледидардан 7-ші кнопканы қосуды ұмытпа!
Бізді Youtube, әлеуметтік желілерден көріңіздер. Видео астында пікір қалдыруды ұмытпаңыздар!

Jibek Joly TV: Смотрите нас на ТВ, в Youtube и социальных сетях. Оставляйте комментарии под этим видео!

Watch us on satellite TV, Youtube and social networks. Leave your comments under this video!

#JIBEKJOLYNEWS #ҚазақстанЖаңалықтары #НовостиКазахстана