Атырауда субұрқақта шомылып жүрген 3 жасар бала көз жұмды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырауда субұрқақта шомылып жүрген 3 жасар бала көз жұмды. Полицияның мәліметінше, кішкентай бүлдіршіннің аяғы айналмалы құрылғыға қысылып қалған. Соның салдарынан балақай көп су жұтып қойған көрінеді. Марқұмның жанында кәмелет жасына толмаған екі әпкесі болған. Әкімдіктегілер аптап ыстықта субұрқаққа түсуге болмайтынын ескертсе де, тұрғындар оны елеп жатқан жоқ.
Қайғылы жағдай қаладағы орталық субұрқақтардың бірінде болған. Куәгердлердің айтуынша, асыр салып ойнап жүрген 3 жасар баланың аяғы айналмалы сорғыға қысылып, ол ұзақ уақыт шыға алмай қалған. Болжам бойынша бүлдіршін көп мөлшерде су жұтып, тұншығып қалған. Полиция "балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау" бабы бойынша тергеуді бастап кетті.
МЕЙІРІМ ЕРДӘУЛЕТ, Атырау облыстық пд баспасөз хатшысы:
– Атырау қаласы, Әйтеке би көшесі бойындағы субұрқақта қаза тапқан баланың өліміне қатысты қазір таңда қылмыстық іс тіркеліп, тергеу амалдары жүргізілуде. Кешенді тергеу амалдары басталып кетті. Оқиғаның куәгерлерінен жауаптар алынуда.
Атырауда ауа температурасы 40 градустан жоғары. Сондықтан қала жұрты шіліңгір шілденің ыстығында субұрқақты маңында көп серуендейді. Тұрғындар қапырықта балаларды апаратын басқа жер жоқ дейді.
МАДИНА, Атырау қаласының тұрғыны:
– Расымен балаларға арналған демалатын орын жоқ. Күн ыстық болып тұр. Су көбірек болса екен. Қауіпті әрине. Балаларды қараусыз қалдырмау керек. Қоғамдық орындарда негізі бассейн болса жақсы болар еді. Мынандай субұрқақтар енді қауіпті, басқа баратын жер жоқ. Амалсыз осы жерлерге ойнатуға әкелеміз.
Жалпы, қала аумағында 20 субұрұқақ жұмыс істеп тұр. Әкімдіктегілер "суға түсуге болмайды" деген ескерту парақтары ілініп тұрғанын жеткізді. Соған қарамастан тұрғындар ескертуді елемейтін көрінеді.
ҒАСЫРБЕК ТӨЛЕГЕН, Атырау қаласы әкімдігінің баспасөз хатшысы:
– Қаладағы субұрқақтардың барлығында суға түсуге болмайтынын, түскен жағдайда тері ауруларына шалдығатыны, оның астында тоқ желілері жүріп жатқанын ескертпе жұмыстары жүріп жатыр. Мердігер мекеменің өзі күнделікті фонтандардың аумағын өзі аралап, бақылау жұмыстарын жүргізеді.
Қайғылы жағдай болған орын әлі күнге дейін қоршалмаған. Шенеуніктер субұрқақтарды тағы бір мәрте тексеріп шығатындарын жеткізді.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық