Қызылордада кәсіпкерлер мен шенеуніктер текетіресті

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Қызылордада саябақ аумағын жалға алып табыс тауып отырған кәсіпкерлер наразылық білдірді. Олар демалыс орнын жаңғыртамыз деген шенеуніктердің шешіміне үзілді-кесілді қарсы. Себебі, әкімдіктіктегілер он күн ішінде сауда нүктелері мен аттракциондардарды жинап, орындарыңды босатыңдар деп ескерту жасап кетті дейді шағымданушылар. Бірақ шаш етектен шығынға баттық деген бизнес өкілдері кімнен көмек сұрарын білмей жүр. Ал, атқамінерлердің айтар өз уәжі бар.
Әлия Қалмаханова демалыс саябағындағы аумақты 12 жыл бұрын жалға алған. Қыруар қаражатқа картинг орнатып, биыл бассейн салғанын айтады. Көктемнен күзге дейін жұмыс істейтін кәсіпкер енді табыс көзінен айырылуы мүмкін. Өйткені, шенеуніктер "саябақтағы орныңды босат" деп қуып жатыр дейді.
ӘЛИЯ ҚАЛМАХАНОВА, кәсіпкер:
– Биылдың өзінде біз 10-12 миллион теңге вложение жасадық. Одан бізде бассейн бар. Оның үстіне бізде долгосрочный договор бар. Сол договорға сеніп, біз кредит аламыз. Расширение жасадық соған сеніп. Енді соның бәрін бұзып алып кет деп тұр. Бізге орын бер десем, сіз біздің ген планға кірмейсіз дейді.
АБАЙ НҰРЖАНҰЛЫ, тілші:
– Демалыс паркіндегі дәл мына аттракциондар, дәмханалардың көбі кәсіпкерлердің өз күшімен жеке қаражатына салынған. Енді әкімдіктегілердің осы дүниелерді он күн ішінде жинап алып кетіңдер деген міндеттемесі кәсіпкерлердің үстінен жай түсіргендей болыпты. Бұған бизнес өкілдері үзілді-кесілді қарсы.
Сауда нүктелері мен аттракцион иелері саябаққа жаңғырту жұмыстары жүргізілетінін алдын ала білгенде несие алып, қарызға белшеден батпас едік деп қынжылады.
ЛЮБОВЬ КИМ, кәсіпкер:
– Біз өз күшімізбен осы саябақты абаттандырдық. Саябақ әкімшілігі ештеңе істемейді. Бәрін кәсіпкерлер жасап отыр. Қаншама жылдан бері осы саябақта табыс тауып отырмыз. Бірақ бізге алғыс айтудың орнына бәрімізді далада қалдырмақ. Бұлай болмайды ғой.
Ал әкімдік өкілдері әбден ескірген саябақ демеушілер есебінен жаңартылады дейді. Айтуларынша кәсіпкерлерді ешкім далада қалдырмайды. Жобаға сәйкес келетін нысандар жұмысын жалғастыра береді.
ДАРХАН ТҰРСЫНБАЕВ, Қызылорда қаласы әкімінің орынбасары:
– Бұл проектіні жасап жатқан BI Group. Өздеріңіз білесіздер бұл компания Қазақстанның біраз қалаларында, соңғы уақытта Шымкент пен Түркістан қаласында жасады. Қазір барып көрсеңіз керемет жасалған. Қазір біз осы кәсіпкерлерге айттық. Жалпы осы концепциясын, проектінің искизін негізгі парктің мағынасын бұзбайтын қалдыруға келетін болса, осы жұмысшы топпен қарастырып көрейік.
Әкімнің орынбасары кәсіпкерлердің ұсыныс-пікірі міндетті түрде ескеріледі деп сендіреді. Айтуынша жобаға сәйкес келмейтін нысандардың иелеріне өзге саябақтардан орын берілмек.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық