Қызылорда қаласында тағы бір мектептің оқушылары жаппай бұрыш баллонының өткір иісіне уланды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Қызылорда қаласында тағы бір мектептің оқушылары жаппай бұрыш баллонының өткір иісіне уланды. Білім ошағының дәретханасына жеткіншек бұрыш спрейін сепкен. Соның кесірінен мұғалімдер сабақты тоқтатып, денсаулығы нашарлаған ұл-қыздарды ауруханаға апарған. Бес оқушы әлі де емдеу мекемесінде жатыр. Толығырақ мән-жайды өңірдегі әріптесім біліп келді.
Жедел жәрдем қызметкерлері бұрыш баллонынан уланған нөмірі 9-шы мектептің оқушыларын жаппай облыстық балалар ауруханасына жеткізді. Балалардың денсаулығына алаңдаған ата-аналар мен ұстаздар да емдеу мекемесінің маңында жүр. Тіпті ұл-қыздарды қауіпсіз жерге көшіремін деп жүріп өзіне де иіс тиген бір мұғалімнің жағдайы балалар ауруханасына келгенде қиындап кеткен.
Ал дәрігерлер осы кеште өткір иістен уланған 20-дан астам жеткіншекке медициналық көмек көрсетіп үлгерген.
ГҮЛНҰР ӨКСІКБАЕВА, Қызылорда облыстық балалар ауруханасы бас дәрігерінің орынбасары:
- 23 баланың 5-еуі жағдайларының ауырлығына байланысты бөлімшеге жатқызылды. Бір бала реаниматолог дәрігердіңң бақылауында. Түскен кезде балалардың жағдайы жүрек айну, бас айналу, ішінің ауырсынуына шағымданып келді.
Куәгерлер сабақ кезінде 7-ші сыныптың оқушысы мектептің дәретханасына бұрыш спрейін сепкен дейді. Улы иіс білім ұясының ғимаратына тараған. Ал Айгүл Темірбекқызы кешкі уақытта басы айналып, әлсіредім деп хабарласқан екі баласының жағдайын білуге келген екен.
АЙГҮЛ ТЕМІРБЕКҚЫЗЫ, оқушының анасы:
- Екі балам түскі ауысымда оқитын еді ғой. Біреу 7, біреуі 5-сыныпта. Жаңа осы аяқ астынан мынадай жағдай болды. Сол жұмыстың арасында жүріп, естіп келе жатыр едік қой алаңдап. Сөйтсек уже балаларды қайтарып жіберіпті. Мына есікті ашпай жатыр мектеп.
АБАЙ НҰРЖАНҰЛЫ, тілші:
- Мұғалімдерді дүр сілкіндіріп, ата-аналарды алаңдатқан жағдай мына мектепте болған. Уланған балалардың жағдайын және қазіргі ахуалды білу үшін білім ұясына келген едік. Бірақ білім бөлімінің басшылары рұқсат бермейді деп күзетшілер бізді ішке кіргізбеді.
-Телеарнадан кіргізбеңдер деді.
-Кім айтты?
-Жаңа горонодағылар ешкімді кіргізбесін деп жатыр.
Ал бұған байланысты білім басқармасындағылар әзірге ақпарат таратпады. Полиция департаментінің өкілдері қазір "бұзақылық" бабы бойынша іс қозғалып, тергеу жүріп жатқанын жеткізді. Айта кетейік, Қызылорда қаласында мектептердегі келеңсіз оқиға он күн ішінде екінші рет қайталанды. 23-қыркүйекте басқа бір білім ұясында 8-сынып оқушысы бұрыш баллонын шашып, кесірінен 4 бала ауруханаға түскен болатын. Айта кетейік, елімізде өзін қорғауға арналған бұрыш не газ баллондарын құзырлы органдарға тіркемей-ақ сатып алуға рұқсат берілген. Және азаматтардың жасы шамасына шектеу жоқ
--------------------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық