«Бір мақсат – бір команда»

4 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Oct 16, 2026

Атырау облыстық «Сармат» мамандандырылған әскери-патриоттық мектеп лицей-интернатында сынып жетекшілері мен тәрбиешілердің өзара ынтымақтастығын нығайтуға бағытталған «Синхронды команда: Сынып жетекшісі мен тәрбиешінің стратегиялық альянсы» атты әдістемелік семинар өтті.

Семинар барысында қатысушылар оқушылардың оқу үлгерімі мен әскери тәртібін үйлестіру, тәрбиеленушілердің психологиялық жағдайын ескеру, ата-аналармен тиімді байланыс орнату және күрделі жағдаяттарды бірлесе шешу мәселелерін талқылады.

Интерактивті тапсырмалар мен тәжірибелік кейстер арқылы педагогтер командалық жұмыстың маңызын айқындап, өзара ақпарат алмасу мен бірлескен қолдаудың тиімді жолдарын ұсынды.

Кездесу қорытындысында сынып жетекшілері мен тәрбиешілер ортақ мақсатқа жету жолындағы сенім мен серіктестікті нығайтуға бағытталған міндеттемелерді қабылдады.

Басты мақсат – білімді, тәртіпті, жауапкершілігі жоғары және Отанға адал азаматты тәрбиелеу десті!

#Сармат #ӘдістемелікСеминар #ТәрбиеЖұмысы #ӘскериПатриоттықТәрбие #АтырауСарматМектебі