«Бәйтерек» инвестициялық холдингке айналады

4 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 26, 2025

«Бәйтерек» ұлттық басқарушы холдингі құрылымы мен функциясы жағынан қайта құрылады. Енді мекеме экономиканың нақты секторын қолдауды күшейтеді.
Инвестхолдингке инфрақұрылымдық, экспорттық және индустриялық жобаларды қолдау бойынша қосымша функциялар беріледі. Негізгі мақсат – капиталды белсенді тарту, ішкі өндірісті және импорталмастыруды дамыту. Бұл туралы бүгін Үкімет басшысының қатысуымен өткен директорлар кеңесінің отырысында айтылды. Мұнымен қоса директорлар кеңесінің келер жылға арналған жұмыс жоспары бекітілді. Маңызды құжат корпоративтік басқаруды жетілдіру, бизнесті қолдау құралдарының тиімділігін арттыру және еншілес құрылымдардың инвестициялық қызметін кеңейту түйткілдерін қамтиды. Сондай-ақ шикізаттық емес экспорттың үлесін ұлғайтуға және бәсекеге қабілетті бизнесті қалыптастыруға баса назар аударылып отыр. Нәтижесінде жоғары өнімді кәсіпорындар ашылып, жаңа жұмыс орындары құрылмақ. Бұл экономиканың сапалы дамуын және халық табысының ұлғаюын қамтамасыз етуге күш салады.

#Жаңалықтар #Новости #24KZ #хабар24