«Туған елге тағзым» мәресіне жетті

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 16, 2025

Атырау қаласындағы NIS-ке “ТЕТ-2025” аясын да ерекше қонақтар қабылданған болатын. Алматы мен Петропавл қалаларынан келген зияткер оқушылар бес күнге созылған танымдық экскурсия барысында Атыраудың тарихы мен болашағын тоғыстырған мекендерін аралап, жаңа білім мен ерекше әсерге бөленді.

Сапардың соңғы күні олар полипропилен зауыты мен APEC колледжіне, сондай-ақ су жаңа сауда орны “Infinity mall-ға арнайы барып, өңірдің өндірістік әлеуетімен және кәсіптік білім беру жүйесімен танысты. Бұл орындардағы жаңашылдық пен заманауи технологиялар оқушылардың болашақ мамандыққа деген көзқарасына тың серпін берді.

Экскурсияның қорытындысы – шынайы эмоция мен ризашылыққа толы салтанатты кешпен түйінделді. Мың асықтан жасалған қолөнер бұйымы – ұлттық нақыштың символына айналып, келген меймандардың ерекше қызығушылығын тудырды. Оқушылар «Туған елге тағзым» жобасы аясында аралаған жерлері туралы әсерлерін ортаға салып, шағын жобаларын қорғады. Әр сөз – сезімге, әр жоба – терең ойға толы болды.

Жас ізденушілердің еңбегі ескерусіз қалмады – әр оқушыға арнайы марапаттар табысталып, жүрек жылуына толы қошемет көрсетілді. Жүздерінде қуаныш, жанарларында шабыт ұшқыны бар шәкірттер туған қалаларына қарай жолға шықты. Бұл сапар олардың жадында ұзақ сақталып, болашаққа деген сенім мен сүйіспеншілікке жол ашатыны сөзсіз.

Келесі жүздескенше, сүйікті жоба!