«Шенеуніктер бізді мазақ қылғандай қолымызға 80 мың теңге ұстатты»

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Sep 1, 2026

Атырау облысында биік ағаштан құлап, мүгедек болып қалған аула сыпырушы аймақ басшысынан көмек сұрайды. Себебі, аудандық әкімдікте жұмыс істеген зейнеткер басшылықтың тапсырмасымен шіріген бұтақты кесіп, жерге оңбай құлаған екен. Төсек тартып, еңбекке жарамсыз болып қалған Сыналбек Дошановтың туыстары шенеуніктер мазақ қылғандай қолымызға 80 мың теңге ұстатты деп ашынады. Алайда бұл қаражатты ем-дом тұрмақ дәрі-дәрмек де жеткізе алмапты.
63 жастағы қарияның төсек тартып жатқанына бір жылдан асты. Бел омыртқасы зақымданған зейнеткердің қозғалуы қиын. Тіпті басынан алға соққыдан соң сөйлей алмайтын хәлге жеткен. Ұзақ жыл бойы әкімдіктің қара жұмысын істеген азаматтың енді ешкімге керексіз болып қалғаны жақындарының жанына батқан.
ШОЛПАН ЖАНҒАЛИЕВА, жұмысшының жұбайы:
Одан бұрын тапсырма берілген. Ол күні үлгере алмаған соң ертеңгі күні шығып бітіріп тастайын деген ғой. Өзі үлкен адам давлениясы бар оны айта алмай отыр. Әкімдіктен бастапқыда коллективный берген. Бірақ мен өзім оған шыдай алмай өзім кредит алып жүріп тұруым керек қой. Қала мен екі ортада жүрдім тасып. Бір 80 мыңмен қалай қаратамын.
Сыналбек Дошанов аудандық әкімдікте аула сыпырушы болып жұмыс істеген. Былтыр 22 қаңтарда басшылықтың тапсырмасымен ағаш кесуге барып, биіктен құлаған. Өндірістік жарақат алғанын дәлелдесе де шенеуніктер өтемақы төлеуге асықпайды дейді жұбайы. Сондықтан сотқа беруге мәжбүр болыпты.
ШОЛПАН ЖАНҒАЛИЕВА, жұмысшының жұбайы:
Сотқа тапсырып қойдық. 4 қыркүйек сот болады деген. Қалай шешіледі білмеймін. Производсвенный биыл тек қана районный реабилитация апдық. Қазір апара алмаймын, күнбе күн скорый келмейді бізге. Жүре алмайды жатыр. Памперспен жатыр, тапсырып қойдық сот болады. Енді талап етеміз производственная трамва дұрыс өндіріп берсін.
Ал, еңбек инспекциясы комиссия құрып, тексеріс жүргізген. Қорытындысы бойынша жұмыс беруші тараптан талай заңсыздықтарды анықтапты.
ИСЛАМ ИГАМБЕРДИЕВ, Атырау облысы еңбек инспекциясының бөлім басшысы:
Комиссия жұмыс берушінің еңбек қауіпсіздігі тарапынан оқыту мен білім тексеруді тиісті деңгейде ұйымдастырылмағанын, жұмыстың қауіпсіз жүргізілуін бақылаудың жеткіліксіз болғанын, қызметкердің арнайы киіммен және жеке қорғаныш құралдарының қамтамасыз етілмегенін анықтады. Сонымен қатар биіктікте ағаш бұтақтарының кесу жұмыстарын қауіпсіз ұйымдастырылмаған.
Аудандық атқамінерлер сұхбат беруге құлық танытқан жоқ. Әкімдік өкілдері жұмысшыға қолдан келген көмекті көрсеттік дейді. Енді тараптар бұл мәселені сотта шешпек.

#Информбюро #31арна #БастыЖаңалықтар #Новости #31канал