«Әнші-шайтанның азаншысы». Тойда тілекке шығып, уағыз айтқан ақсақал сынға қалды

19 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 12, 2026

«Музыка-бәле, әнші-шайтанның азаншысы». Түркістан облысында тойда тілекке шығып, уағыз айтқан ақсақал сынға қалды. Ол әйелдерді «ұрғашы» деп атап, еркектермен бір дастарханда отыруын шариғат-қа жат әрекет дейді. Жетісайлық тұрғынның пікірін мүфтият қолдамайды. Қазақстан мұсылмандар діни басқармасы Ислам діні өзгелерді ауыр сөзбен айыптауға шақырмайды деп отыр. Әріптесім Дамир Нұрмұхамет толықтырады.
Арақ-шараптан құтылғанымыз жөн-ақ. Бірақ ерлі-зайыптылар бірге отырып, ән тыңдап, би билесе оның несі айып дейді көпшілік. Ақсақалдың тойда айтқаны қоғамда қызу талқыланып жатыр. Тағы бір тарап оның сөзін қазақтың байырғы дәстүріне жат деп біледі. «Алтыбақан» мен «Ақсүйекті» жарыса ойнаған қыз-жігіттер домбыра тартып ән айтпаса тойдың қызығы болмайды дейді.
Тұрғындардың көбі тойда қуаныштың иесіне тілек айтылған жөн деген пікірде. Бұл мәселеге Қазақстан мұсылмандар діни басқармасы да үн қатты. Мүфтият өкілдері әншілерді жаппай айыптап, әйелдерді қорлау ислам әдебіне жат қылық екенін айтты. Себебі,Ислам діні даналықпен насихат айтуға, өзгелерді ауыр сөзбен айыптамауға, біреудің ар-намысына құрметпен қарауға үндейді.

ЕЛБЕК ТАСБОЛАТҰЛЫ, ҚМБД шариғат және пәтуа бөлімінің маманы:
Жоғарыдағы азаматтың ҚМДБ-на қатысы жоқ екенін мәлімдейміз. Адамды арсыздыққа, азғындыққа және шариғат тыйым салған істерге үндейтін әндерді дініміз құптамайды. Алайда дініміз бен дәстүріміздің асыл құндылықтарын дәріптейтін, Отанды қорғауға, ата-ананы қадірлеуге үндейтін, адамгершілік пен ізгілікке шақыратын әндерге рұқсат берілетіні жайында ислам ғалымдарының пікірі бар.
Ал қоғам белсенділері той-жиынды халал, харам деп бөліп-жару дұрыс емес дейді. Мерекелік шарада не айтылады, қандай түрде өтетіні той иесінің қалауына байланысты екенін айтады.
ДАНИЯР ЖАНЫС, қоғам белсендісі:
Атамыздың сөзіне дін өкілдері өздері жауап бере жатар. Ал той мемлекеттің ұйымдастырған немесе ұйымдардың ұйымдастырған шарасы емес. Ол той иесінің қуанышы. Ол жерде арақ бола ма, уағыз айтыла ма той иесінің қалауына байланысты болуы керек. Ал келген қонақтар ережеге бағынуы тиіс.
ДАМИР НҰРМҰХАМЕТ, тілші:
Халықтың дені дәстүрлі діннің ұмытылып бара жатқанын айтады. Тіпті той қуанышты қайырымдылық шарасына айналдырып жіберетіндер де бар. Асыра діншілдік айықпас дертке айнала ма деп үрейленген жұрт бұл мәселе заңмен реттелуі керек дейді.
Қоғамда қызу талқыға түскен бұл тақырыпқа президент әкімшілігі басшысының бірінші орынбасары да пікір білдірді. Ерлан Қарин: "Шын мәнінде оның әйелдерді кемсітуі, әншілерге, музыка өнеріне қатысты теріс пікір білдіруі болмысымызға мүлдем жат. Ұлттық таным-түсінікке сәйкес келмейді. Өйткені, Қазақстан – зайырлы мемлекет деді.

#Информбюро #уағыз #той #Түркістаноблысы #31канал