«BILIM JÁNE BOLASHAQ» халықаралық білім беру көрмесі

5 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Dec 12, 2025

Ағымдағы жылдың 12–21 қазан аралығында еліміздің батыс өңірінде 11-сынып оқушыларына арналған «SANA OIL Корпорация» АҚ-ның қолдауымен және «SANA» Халықаралық ғылыми-зерттеу орталығы» ЖШС-нің ұйымдастыруымен ақысыз негізде «BILIM JÁNE BOLASHAQ» атты халықаралық білім беру көрмесі өтті.

Көрменің негізгі мақсаты – мектеп бітіруші түлектерге болашақ мамандығын таңдауда бағыт-бағдар беру, жоғары және арнаулы оқу орындарының мүмкіндіктерін таныстыру, сондай-ақ жастардың кәсіби бағдар алуына жағдай жасау болды.

Көрме еліміздің үш қаласында – Ақтау, Атырау және Ақтөбе қалаларында өтті. 14 қазан күні Ақтау қаласында өткен іс-шара Оқушылар сарайында ұйымдастырылып, оған шамамен 3 000-ға жуық 11-сынып оқушысы қатысты. 16 қазанда Атырау қаласында Сафи Өтебаев атындағы Атырау мұнай және газ университетінің Креатив орталығында өткен көрмеге 1 500-ге жуық оқушы келді. Ал 20 қазан күні Ақтөбе қаласында Шығармашылық академиясында ұйымдастырылған іс-шараға шамамен 2 000 мектеп бітіруші қатысты.

Көрме барысында оқушылардың білімге деген қызығушылығы артып, өз болашағына сенімді қадам жасауға мүмкіндік алды. Іс-шара жоғары деңгейде ұйымдастырылып, қатысушылар мен жоғары оқу орындары тарапынан оң пікірге ие болды.
Көрме өз жұмысын қараша айында еліміздің оңтүстік өңірлерінде, атап айтқанда Қызылорда, Шымкент және Тараз қалаларында жалғасын таппақ.