«Kitap al» мектебімізде! ????❤️‍????

23.10.2023ж күні Шымкент қаласы №69 жалпы орта білім беретін мектебінің түлегі Қасымбек Бекболаттың ұйымдастыруымен және бірнеше кітап авторы, KITAPAL CLUB жобасының жетекшісі Данияр Жігітбектің Шымкенттегі өкілдері Диас Кененбаев, Асемай Тынысбай, Бекбол Сайдаханов, Мұхамеджан Ордабай, Бақытжанұлы Мұхаммед-Әлидің қолдауымен кітап оқуға қызығушылығы бар оқушыларға кездесу ұйымдастырылып, түсіндірме жұмыстары жүргізілді. Кездесу Шымкент қаласы мектептері бойынша алғаш рет өткізіліп, оқырмандар клубы құрылды. Кездесуге директордың тәрбие ісі орынбасарлары А.Құсайынова және В.Скендерова, кітапханашылар, мектеп ұстаздары қатысып, ДШІЖО С.Алтенбаев мырза батасын беріп, кешті ашып берді.

«Kitap al» клубының мақсаты:
????Қазақстанды кітап оқитын елге айналдыру;
????Еліміздің дамуына атсалысу;
????Ұлтымызды ояту;
????Кітап оқуды қалыптастыру;
????Оқыған кітаптарды талдау;
????Дамушы орта құру.

KITAPAL компаниясы - «Қазақстанды кітап оқитын елге айналдыру» миссиясымен қызмет етеді.
Алматыда 4 дүкені, Астана, Шымкент, Қызылорда, Тараз, Ақтау, Атырау қалаларында франшизасы бар, 14 қалада дистрьюбютер, 20 мың оқырманы бар. Басылған кітаптар тиражы 2 274 600 дана. Сонымен қатар, «Ауылға кітап» жобасы жүзеге асырылып жатыр.

KITAPAL CLUB жобасы туралы түсіндіріліп, кітап оқудың пайдасы, оқуды жолға қоя отырып, ортасына, еліне пайдалы болатын ұрпаққа айналуға болатыны туралы, мақсат қоя білу, ізденісте болудың пайдасы туралы жақсы әңгімелер, оқушылармен сұрақ-жауап жүргізілді. Мектебіміздің фракция мүшелері және кітапсүйер оқушылар қауымы аса қызығушылықпен тыңдап, белсене қатысты. Кеш соңында АӘД пәні мұғалімі М.Ходжагельдиев және бас кітапханашымыз Г.Мырзакулова сөз алып, келелі әңгімелерін айтып, жаңа бастамаға, ұйымдастырушы жастарға сәттілік тіледі. Кездесу кітапханада жалғасын тауып, оқырмандар клубы туралы оқушыларға толығырақ түсіндірілді. Әр айда бір кітапты талқылап отыру үшін әр сыныптан аралас топ құрылу жұмыстары басталып та кетті. Мұндай игі іс жалғасын тауып, жас оқырмандарымыз көбейе берсін демекпіз!