«KMG Skills» конкурсы басталды

6 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 24, 2025

Атырауда ҚМГ компаниялар тобының жұмысшы мамандықтары арасында

Атырау қаласында «Жұмысшы мамандықтар жылы» аясында және «ҚазМұнайГаз» ҰК АҚ қызметкерлердің кәсіби біліктілігін арттыру мақсатында ұйымдастырылған «KMG Skills» кәсіби шеберлік чемпионаты ашылды.

«KMG Skills» 18-21 қараша аралығында өтеді. Оған ҚМГ-ның 19 еншілес және тәуелді ұйымдарынан 100-ге жуық адам қатысады.

Жарысқа 12 мамандық иелері, атап айтқанда мұнай және газ өндіру жөніндегі оператор; ұңғымаларды зерттеу операторы, мұнайды дайындау жөніндегі оператор, технологиялық жабдықты жөндеу және оған қызмет көрсету жөніндегі слесарь, электр-газбен дәнекерлеуші, электр-монтер, химиялық талдау зертханашысы, технологиялық қондырғылар операторы, компрессорлық қондырғылардың машинисі, технологиялық сорғылардың машинисі, токарь, бақылау-өлшеу аспаптары және автоматика жөніндегі слесарь сынға түседі.

Бірінші кезеңде жұмысшылар өз кәсіптері бойынша практикалық тапсырмаларды орындаса, ал екінші және үшінші кезеңде өрт қауіпсіздігі талаптарының бұзылуын анықтау және алғашқы медициналық көмек көрсету бойынша біліктіліктерін көрсететін болады.

Конкурс «Ембімұнайгаз» АҚ («Жайықмұнайгаз» МГӨБ оқу-жаттығу полигоны), «Атырау мұнай өңдеу зауыты» ЖШС өндірістік алаңдарында және «APEC Training Center» ЖШС оқу орталығының базасында өтеді.

Айта кетейік, ҚМГ жұмысшы мамандардың беделін арттыруға ерекше мән беріп келеді. «KMG Skills» байқауы қызметкерлердің кәсіби деңгейін шыңдап қана қоймай, жас мамандарды ынталандыруға және өндірістегі еңбек өнімділігін арттыруға мүмкіндік береді.

#ҚазМұнайГаз #KMGskills #ЖұмысшыМамандықтарЖылы #КәсібиШеберлік