«SMART CITY KYZYLORDA» IT жобалар хакатоны өтті

25 қазан Республика күніне орай «Smart City Kyzylorda» IT жобалар хакатоны өтті. Қызылордалықтардың өмір сүру сапасын арттыруға бағытталған байқау 3 бағыт бойынша ұйымдастырылды.

«Әзірлеу» бағыты – сайт, мобильді қосымша, бот және ойындар әзірлеу бағытындағы жобаларға арналса, «Модельдеу» бағыты – 3D модельдеу, робототехника, жасанды интеллект, ақылды заттар және BIM технологияларға, «Әлеуметтік және цифрлы медиа» бағыты – LMS, онлайн оқыту, анимация мен кинематография саласындағы жобаларды қамтыған. Биыл бесінші рет өткізілген байқауда 100-ге жуық жоба таныстырылды.

ЖАНТҮГЕЛ МҰҚАҒАЛИ – БАЙҚАУ ЖЕҢІМПАЗЫ
//Менің жасаған жобам «Модельдеу» бағытында болды. ЖИ арқылы белгілі бір обьектілерді табатын және сол уақытта оларға мониторинг жасап, картаға шығаратын система жасадық. Біз оны мал шаруашылығында қолдана аламыз. Мысалы мал жоғалған кезде оларды тауып, деректер базасына жібереді. Бұл жүйені төтенше жағдай кезінде қолдануға да болады. Егер ғимаратта өрт болса, осы жүйе арқылы қай жерде, қайдан шыққаны туралы ақпаратты өрт сөндірушілерге жібереді. Сол арқылы уақытты үнемдеуге болады.//

ҚАНАТ ҚАРАЕВ – «АҚПАРАТТЫҚ ТЕХНОЛОГИЯЛАР ОРТАЛЫҒЫ» КММ ДИРЕКТОРЫ
//Өткен жылғы нәтижемен қарасақ, биыл қатысушылардың саны едәуір артқан. 350-ге жуық қатысушы тіркеліп, 98 жоба қорғады. Өткен жылы осындай байқаудың жеңімпазы атанған бір жерлесіміз Астанадағы АйТи компанияға шақырту алды. Бір қатысушымыз инвесторлардың қолдауына ие болды. Тағы бір қатысувшымыз ЧатДжиПиТи жасанды интеллектісін қазақ тіліне аударуға қатысып, Астанадағы АйТи университетінің грантын жеңіп алды.//

Жалпы жүлде қоры бір жарым миллион теңге мен Қорқыт ата атындағы Қызылорда университетінің 3 білім грантын құрады. Байқау қорытындысы бойынша әр секциядан 3 команда жеңіске лайық деп танылды.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/