Абай даңғылындағы жарылыстың себебі жөндеу жұмыстары болуы мүмкін

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 6, 2025

Кеше кешкісін Абай даңғылының бойындағы №24ші үйде жарылыс орын алды. Оқиға тұрғындар мен көшеде жүрген балаларды қатты шошытты. Алғашында жарылыс дауысын найзағай деп ойлаған жұрт артынша айналаны қою түтін басып, үй терезелерінің шытынап, ұшқын шашқанын байқаған.Жарылыстың қуаты соншалық, әйнек сынықтары көршілес үйлердің ауласына дейін ұшып барып, жақын маңда тұрған көліктерге де зақым келтірген.
Кеше “103” пультіне қоңырау сағат 18:33-те келіп түскен. Оқиға орнына жедел жәрдем бригадасы жеткенге дейін ер адамның көз жұмғаны анықталыпты. Оқиғаны өз көзімен көрген куәгерлер жарылыс болған үйдің терезесінен ер адамның денесі ұшып шыққанын айтады. Қансырап, денесін күйік шалған азамат оқиға орнында тіл тартпастан кеткен.
Қазір жарылыс болған үйдің үш кіреберісі қоршалған және полиция қызметкерлері тәулік бойы күзетіп тұр. Оқиға болған күні 73 тұрғын эвакуацияланды олардың 10-ы Марат Оспанов атындағы медициналық университеттің жатақханасына орналастырылған, ал қалғандары туыстарының үйін паналауда.Мамандардың алдын ала бағалауы бойынша, жарылыстың салдарынан кемінде 6 пәтер материалдық шығынға ұшыраған. Қазіргі уақытта арнайы комиссия жұмыс жүргізіп жатыр. Нысанның апатты жағдайға түскені туралы шешім осы тексеруден кейін қабылдануы тиіс. Зардап шеккендердің бірі Атырау қаласының тумасы, Ақтөбеге оқуға келген. Жарылыс болған пәтермен жапсарлас орналасқан көршісі екен. "Үйімізден түк қалмады,"- деп күйзелісін білдірді. Бағалы заттары мен құжаттарынан айырылғанын айтты. Абырой болғанда өзі дін аман.
Төтенше жағдайдан кейін үйдің 3 подъездінің алды қоршалған. Қауіпсіздік мақсатында газ бен су да өшіріліпті. Тұрғындардың жеке заттары пәтерлерінде қалып қойған. Бірақ қазір мұнда ешкімді кіргізбейді. Оқиғаның себептері анықталып жатыр. Құзырлы органдар сексеріс жүргізуде.
Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv
Telegram https://t.me/evrikaaktobe