Азия чемпионатының жүлдегерлері елге оралды

Велоспорттан Үндістан астанасы Нью-Делиде өткен Азия чемпионатының жүлдегерлері елге оралды. Жас спортшыларды ата-аналары мен жанкүйерлер құшақ жая қарсы алды. Айта кетейік, чемпионат қорытындысы бойынша Ердаулет Егізбай мен Аружан Рахымжан алтыннан алқа тағынса, Аружан Тоқбаева күміс медаль жеңіп алды.

Ел абыройын асқақтатқан спортшыларды бапкерлері мен туған-туыстары сән-салтанатпен күтіп алды. Чемпиондар мен олардың ата-аналарына облыстық велоспорт федерациясының атынан алғыс хат табысталды. Жүлдегерлердің айтуынша олар Азия чемпионатына ұзақ уақыт дайындалған.

АРУЖАН РАХЫМЖАН – ВЕЛОСПОРТТАН АЗИЯ ЧЕМПИОНЫ
//Осы жылы алдыма мақсат қойып, көптеген дайындықтан өтіп, осы жетістікке жетіп отырмын. Бұл жетістікке жетуім арқасы отбасымның маған қолдауы,сенімі және де бапкерлерімнің маған берген тәлім-тәрбиесі.

АРУЖАН ТОҚБАЕВА – АЗИЯ ЧЕМПИОНАТЫНЫҢ КҮМІС ЖҮЛДЕ ИЕГЕРІ
//Велоспорт спортына мен 2018 жылдан бастап келдім. Қатысып жатқаныма 6 жыл болды. Осы жылы осы Азияға баруды алдыма мақсат қойғам, бардым. Оңай болған жоқ, қаншама тренеровка./00.53/Ата-анама рақмет, поддержка беріп,бүкіл жерде көмектескеніне, ең бірінші тренеріме рақмет айтамын, Рахат Илияс. Осы уақытқа шейін бәрін үйретіп көмектескені үшін.

Ал Ердәулет Егізбай Скретч жарысында қарсыластарын қапыда қалдырып, туымызды әлемдік аренада көкке көтерді. Ол велосипедші болуды бала күнінен армандаған. Азия чемпионы енді әлемдік додада олжа салуды мақсат етіп отыр.

ЕРДӘУЛЕТ ЕГІЗБАЙ – ВЕЛОСПОРТТАН АЗИЯ ЧЕМПИОНЫ
//Мен кішкентай кезімнен вилосипед айдағанды жақсы көремін. Осы біздің Қазақстанның Александр Винокуров, Марат Сатыбалдиев және тағы да басқа шетелдік спортшылар бар, солар сияқты результатқа тырысамыз.

Сары құрлық додасында топ жарған таланттар күтіп алуға келген жас спортшылармен тілдесіп, білгендерімен бөлісті.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/