Алматыда Ақсай өзені тасып, қалада сел жүру қаупі туды

14 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jul 19, 2026

Алматыда Ақсай өзені тасып, қалада сел жүру қаупі туды. Наурызбай ауданында үйлердің ауласына су жайылып, тұрғындардан тыныштық кеткен. Ал Төтенше жағдайлар департаменті халыққа қауіпсіз орындар даярлап, жедел штаб құрылғанын хабарлады. Дабыл іске қосылып, халыққа ескерту хабарламалар да жолданған.
Шілденің шіліңгір ыстығынан мұз еріп, одан қалса төпеп жауған жауын-шашын салдарынан Алматының таулы аймағында сел қаупі күшейді. Қазір тұрғындарды, әсіресе Наурызбай ауданының халқын Ақсай өзенінің арнасынан асу алаңдатып отыр.
АЛМАТЫ ҚАЛАСЫ ТЖД:
Ахуалға байланысты құтқарушылар су арнасын бақылауға алған. Жұртты хабардар ету мақсатында құлақтандыру жүйесі іске қосылып, түсте халыққа хабарламалар да жолданды. Одан бөлек, эвакуациялау қажеттілігі болса көпшілікке аудандағы мектептерде қабылдау пунктері құрылған.
Төтенше жағдайлар департаменті ауа райы тұрақталғанға дейін Іле Алатау тауларына әзірге демалыс немесе саяхат жоспарламауға шақырды. Қауіптің беті қайтпайынша сабыр етуге кеңес берді.

#Информбюро #31арна #БастыЖаңалықтар #Новости #31канал