Алматыда баскетболдан жасөспірімдер арасындағы «Үміт кубогы» турнирі өз мәресіне жетті

Алматыда баскетболдан жасөспірімдер арасындағы «Үміт кубогы» турнирі өз мәресіне жетті. Төрт күнге жалғасқан жарыстың жеңімпаздарына кубок, медаль мен бағалы сыйлықтар табысталды. Айта кетейік, дәстүрлі додаға ата-ана қамқорлығынсыз қалған балалардан құралған бас-аяғы 22 команда қатысты. Спорттық шараны Halyk ұдайы қаржыландырып келеді.
«Үміт кубогы» турниріне қатысқан 22 команда терезесі тең өнер көрсетті. Өмірлік қиын жағдайға тап болған балаларды қолдау орталығының тәрбиеленушілері жеңіске жету үшін аянып қалған жоқ. Әсіресе, қыздар арасындағы ойындар өте тартысты өтті. Нәзік жандар арасындағы бәсекеде Рудный командасы топ жарды.
ТОЛҒАНАЙ КЕЛТАЕВА, «Рудный» командасының ойыншысы:
— Өте қатты ұнады. Бірінші орын алдық. Командамыздың көңіл-күйі күшті. Қатты ұнады бізге. Бірінші орын қиын болды алуға.
Ұлдар арасындағы ойындар да өте қызықты өтті.
СЫМБАТ ҒАЛЫМБЕКҰЛЫ, тілші:
— Төрт күнге жалғасқан турнирде үздік үштікті Түркістаннан келген баскетболшылар түйіндеді. Финалдық ойында Ақкөл мен Шымкент командалары бірінші орынға таласып жатыр. Қос команда да үздік атану үшін барын салуда.
Ақтық сында Шымкенттен келген жеткіншектер қарсылас командадан ұпай санымен басым түсіп, жеңімпаз атанды.
БОГДАМ КИРИЧЕНКО, «Шымкент» командасының капитаны:
— Біз мақсат қойдық Шымкент бірінші орын алады деп. Біз бірінші орын алдық. Мақсатымызға жеттік. Біз қуаныштымыз.
Спорттық шараны Halyk 15 жылдан бері қаржыландырып келеді. Келесі жылы турнир жалғасын тауып, ата-ана қамқорлығынсыз қалған балаларға ерекше көңіл-күй сыйлау жоспарда бар екен.
ОЛЬГА ВУРОС, Halyk басқарма төрайымының орынбасары:
— Турнир жоғары деңгейде өтті. Балалар арасындағы ойындар қызықты болды.Төрешілер де әділ болып, мықтылар ғана жеңіске жетті. Жарыс балаларға қатты ұнайды. Сондықтан келесі жылы да өткізуді жоспарлап отырмыз.
Дәсүтірлі доданың соңында жүлделі орын алған командаларға кубок, медаль мен бағалы сыйлықтар табысталды. Сондай-ақ, ұйымдастырушылар үздік ойыншыларды да марапаттады.



Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал