Алматы аулаларына шлагбаум орнатуға салынған тыйымды елеп-ескеріп жатқан жан жоқ

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Алматы аулаларына шлагбаум орнатуға салынған тыйымды елеп-ескеріп жатқан жан жоқ. Себебі қала әкімдігі бұл мәселеде ең бірінші адамдардың шағымы болуы тиіс дейді. Ал аз уақытқа келген қонақтар тұрақ іздеп қиналса да, бұл мәселеге аса қатты бас қатырғысы келмейді. Сонымен бірге бөтен көлік пен жұрттан есік алдын жауып тастағандарға да талап қоюы екіталай. Шлагбаум қандай аулаларға орнатылады және пәтер иелерінің сөзі қаншалықты ескеріледі? Бұл туралы әріптесім Бауыржан Жақсымбет айтып берсін.
Тұраққа таласып, темір тұлпарын қайда қоямыз деген мәселеден құтылғысы келген жұрттың басым бөлігі қаладағы аулаларын шлагбауммен бекітіп тастаған. Осыған дейін көршілердің барлығы бір ауыздан келісіп, ортақ қаражатын шығарып орнатып келген. Алайда, шілде айынан бастап бұл жағдай өзгерді. Енді тұйық кіреберіс не болмаса бір ғана орыннан кіріп-шығатын аулаларға ғана арнайы қоршау орнатуға болады. Сонымен бірге төтеншеліктер мен жедел жәрдем көліктері емін-еркін кіруі үшін механикалық не автоматты түрде ашылу жүйесі болу керек. Бірақ қолайлы болған қоршауды орнату кезінде бұл жағдай ескерілмей қалып жатады.
- Міндетті түрде қиындық соғады. Өйткені машинаның кіріп-шығуына қиындықтар туғызады негізі. Ол жағы енді минус деп айтуға болады.
- Скорый келеді, көшеді ел-жұрттар. Мен ойлаймын болмайтын шығар.
- Например таксовать ететіндер бар, доставка жасайтындар бар. До подьезда бар. Олар шықпайды да мына жаққа дейін. Второй рядпен парковқаға қойып кету керек болады. Пока барып келемін дегенше ГАИ-лер келеді де штраф жазады тоже.
Егер ауланың бір жағынан кіріп, екінші жағынан шығу мүмкіндігі болса онда шлагбаум орнатуға тыйым салынады. Бірақ, қалада мұндай жерлерге қойылған кедергі көп. Бұдан бөлек ешқандай бетон немесе арнайы темірлермен де тұрақты иемденуге шектеу қойылған.
БАУЫРЖАН ЖАҚСЫМБЕТ, тілші:
- Қала ортасындағы кейбір шағын көшелердің өзімен жүру қазір жүргізушілер үшін қиындық тудыруда. Мәселен асфальты енді ғана төселген мына жолдың ортасын бәз біреулер бетон қоршаумен жауып тастапты. Мұндайға заңмен тыйым салынса да ережені ескермейтіндер бар.
Ал қала әкімдігі болса заңсыз орнатылған шлагбаумдарды бірден алып тастай алмаймыз дейді. Ол үшін алдымен тұрғындар шағымдануы тиіс екен.
Алматы қаласын абаттандырудың жаңа ережелеріне сәйкес белгіленген шаралар қоғамдық орындарды пайдалануды ретке келтіруге және тұрғын аудандардағы қауіпсіздікті арттыруға бағытталған. Ал қолданыстағы қоршауларды бұзуға қатысты барлық өтініштер азаматтардың арыз-шағымдары бойынша қаралатын болады.
АЛМАТЫ ҚАЛАСЫ, әкімдігінің баспасөз қызметі:
- Ал Астананың жер ресурстарын басқару департаменті жер учаскесін өз бетімен иеленіп бөгет орнатқандарға 2 млн теңгеден астам айыппұл салды. Айта кету керек, заңды белшеден басып, шлагбаум орнатқандарға 69 мың теңгеден жоғары айыппұл қарастырылған.
-------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық