Алматы облысында газ жарылысынан бүтін бір үй жермен жексен болды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Алматы облысында газ жарылысынан бүтін бір үй жермен жексен болды. Оқыс оқиға салдарынан 1 адам көз жұмып, апат орнына жақын маңдағы тағы 5 үйге залал келген. Кеше кешкі уақытта Жалпақсай ауылында болған жойқын жарылыс жұртты есеңгіретіп тастаған. Оқиға орнына әріптесім Оразай Нұртайұлы барған еді. Оразай, жарылыс неден шыққан? Қазір мамандар қандай нұсқаны қарастырып жатыр?
- Аида, жарылыстың қатты болғаны соншалық үйдің сау тамтығы қалмаған. Түгел қирап жатыр. Қазір кірпіші осылай жан-жаққа шашылып, шатыры тіпті көлік жүретін жолды жауып қалған. Төтеншеліктер бұл апатқа табиғи газдан шыққан ақау себеп болуы мүмкін деп топшылайды. Дегенмен құзырлы орган өкілдері әлі де жан-жақты тергеу жұмыстарын жүргізетін болады. Ал тұрғындар жермен жексен болған үйдің қирандыларын өз күштерімен жинап, аумақты тазалауға кіріскен. Толығырақ сюжеттен көріңіздер.
Бұл - жарылыс болар алды бірнеше минут бұрын көшедегі бейнекамераға таспаланған жазба. Тұрғындардың айтуынша, көз жұмған азамат сол сәтте екі адаммен үйіне тоңазытқыш әкеліп, үшеуі де ішке кірген. Бірақ жүк тасушы жігіттер сыртқа шыға берген бойда жарылыс болып, оның толқыны екеуін көшеге қарай ұшырып жіберген екен. Ал 67 жастағы қария үйінді астында қалып қойған.
ОРАЗАЙ НҰРТАЙҰЛЫ, тілші:
- Жарылыстың қатты болғаны сонша жапсарлас салынған екі үйдің бір бөлігі түгелдей қирап қалған. Куәгерлердің айтуынша, оқиға салдарынан қаза болған азаматты осы қиранды арасынан алып шыққан екен.
Көршілердің айтуынша, қарияны үйіндіден алып шыққанда ол тірі болған. Бірақ тірі қалу мүмкін емес жарақат салдарынан лезде тіл тартпай кетті дейді. Жарылыс болған сәтте баспанада одан басқа жан баласы болмапты.
АРТЕМ БЕЛИЧЕНКО, көршісі:
- Қирандыдан енді шығарғанда ол үйде кішкентай қыз қалып қойғанын айтты. Бірақ құтқарушылар тексергенде басқа адам табылмады. Жүк тасымалдаушы жігіттердің сөзіне сенсек, олар ішке кіргенде газдың иісі шығып тұрған. Мен түгел қираған үйге жапсарлас салынған баспанада тұрамын. Жарылыстан менің мүлкім де қатты бүлінді. Жөндеуге келмейді. Қайта отбасым аман қалды.
Төтенше жағдайлар департаментінің болжамы бойынша жарылысқа табиғи газдың ауаға тарауы себеп болған. Ал үйді көгілдір отынмен қамтыған мекеме басшысы бұған дейін тексергенде ешқандай ақау анықталмаған еді дейді.
ЕРЛАН ТОЙЖАН, “Алматыгазсервис-Холдинг” АҚ президенті:
- Қызмет көрсету кезінде утечка болған жағдайда жасап кетеді. Болған жағдайда. Бұл үйде ондай болған жоқ. Маусым айында барлық қызмет көрсетілген. Барлық жабдықтар, крандар тексерілген.
Ал әкімдік өкілдері отағасынан айырылған отбасы мен үйіне залал келген жандарға қандай көмек көрсетілетінін нақты айтқан жоқ. "Барлығы тергеу нәтижесінен кейін белгілі болады" деп мардымды жауап бере алмады. Жергілікті атқарушы билік тіпті жабылған көшені жинауға да келмеді. Барлығын тұрғындар өздері жинап, есін енді жиып жатыр.
Оразай Нұртайұлы, Думан Сүлейменов, ИБ, Алматы облысы.
------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық