Алматы облысында "Хутор" бандасының жетекшісі делінген Хасан Қасымбаев қамауға алынды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Алматы облысында "Хутор" бандасының жетекшісі делінген Хасан Қасымбаев қамауға алынды. Құзырлы органдар оны осыдан 3 жыл бұрын болған қылмысқа қатысы бар деген күдікпен ұстады. Полиция департаментінің хабарлауынша, 40 жастағы азамат уақытша ұстау изоляторына тоғытылып, қазір жан-жақты тергеу жүргізіліп жатыр. Айта кетсек, талғарлық Хасан Қасымбаевтың есімі 16 жастағы Шерзат Болаттың өлімінен кейін жиі айтыла бастаған еді. Тақырыпты әріптесім Оразай Нұртайұлы жалғастырсын.
Талғардағы бір топ адам қатысқан жанжалда ажал құшқан 16 жастағы Шерзат Болаттың қазасынан кейін әлеуметтік желіде "Хутор" бандасының жетекшісі делінген Хасан Қасымбаевты 2 қарашада полиция ұстады. Ол 2021 жылы жазда болған "Денсаулыққа қасақана ауыр зиян келтiру" және "Адам ұрлау" баптары бойынша күдікті деп танылып отыр. Дегенмен, бұған дейін құзырлы орган өкілдері 40 жастағы азаматтың атына ешқандай қылмыстық іс тіркелмегенін мәлімдеген. Хасан Қасымбаевтың өзі де "Хутор" бандасы мен жасөспірім өліміне қатысы жоғын айтып видео-үндеу жариялаған болатын.
Алматы облысы полиция департаментінің хабарлауынша, Хасан Қасымбаевтың қатысы бар деген 3 жыл бұрынғы қылмыс бойынша сол кезде 5 адам ұсталған. Олар сот шешімімен бас бостандығынан айырылып, бүгінде жазасын түрмеде өтеп жатыр. Ал 2 күн бұрын ұсталған Хасан Қасымбаев изоляторға қамалып, оның іске қатысы бар-жоғы тергелуде.
Қылмыстардың барлық мән-жайларын жан-жақты, толық және объективті тергеуді қамтамасыз ету үшін тергеу әрекеттерінің кешені жалғасуда. Іс материалдары бұлтартпау шарасын санкциялау үшін сотқа жіберілді. Тергеу барысы облыстық полиция департаменті басшылығының бақылауында.
АЛМАТЫ ОБЛЫСЫ, ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ:
- Ал күдіктінің туыстары құзырлы органның шешімімен келіспейді. Олар бүгін департамент алдына жиналып, Хасан Қасымбаевтың қылмысын дәлелдейтін айғақтарды көрсетуді сұрады.
ГҮЛНӘР НҰРАКЕНОВА, ХАСАН ҚАСЫМБАЕВТЫҢ анасы:
- Шерзат баланың өліміне байланысты енді соны кінәлі деп менің баламды айыптады ғой. Оған содан мына жерге шақырғанда балам күнде келіп, сұрағына жауап беріп жүрді. 2 қарашада осы жерге шақырып жатыр деп келді өзі. Ойында ештеңе жоқ. Соған келгенде, мінекей, менің баламды қамап отыр.
Айта кетсек, бір топ адамның қолынан өлген 16 жастағы Шерзат Болаттың қазасынан кейін бірқатар шенеуніктер жұмыстан қуылып, Алматы облысы мен Талғар ауданының құзырлы органдарында ауыс-түйістер болды. Ал қазанның 4-не қараған түні дүкен маңындағы қанды оқиға бойынша ұсталған күдіктілер саны 11-ге жетті.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық