Алматы облысында қоғамдық моншада атпалдай ер адам 13 жастағы қаршадай балаға қол көтерді

7 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Mar 16, 2026

Алматы облысында қоғамдық моншада атпалдай ер адам 13 жастағы қаршадай балаға қол көтерді. Соққыдан кейін жеткіншек басын үстелге ұрып, есеңгіреп қалады. Оқиғаның мән-жайы ғимарат ішіндегі бейнекамераға да анық түскен. Онда екі жасөспірімнің монша ішіндегі дәмханадағы кассаға келіп, сатушымен тілдесіп тұрған сәті бар. Жапа шеккен баланың анасының айтуынша, сол кезде ұлы сэндвич алмақ болған. Ал монша қызметкері жеткіншектен әріптестеріне де тамақ алып беруін талап еткен екен. Бірақ оқушының бас тартқаны ер адамға ұнамаған көрінеді. Осыдан кейін ол ұлға тап беріп, қол көтере жөнелген.
Анықталғандай, бейнежазбада көрсетілген оқиға 9 наурыз күні Қарасай ауданындағы қоғамдық моншаның ішінде болған. Қазіргі уақытта Қазақстан Республикасы Қылмыстық кодексінің 109-1-бабы (Ұрып-соғу) бойынша сотқа дейінгі тергеп-тексеру жүргізілуде.
АЛМАТЫ ОБЛЫСЫ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ:
- Жапа шеккен жеткіншектің ата-анасы жауап бермеді. Дегенмен олар өз талап-арызын әлеуметтік желіде жазды. Бұл видео да сол жазбадан алынған. "Сэндвичтің" орнына таяқ жеген жеткіншектің анасының айтуынша, ұлына күш қолданған монша қызметкері мас күйде болыпты. Ал жанжалдан кейін баланы жақтап оқиға орнына әкесі де барған дейді. Ол, полицияның хабарлауынша, жеткіншекке қол көтерген адамды итеріп, күш қолданған. Енді оған да іс қозғалып отыр. Құзырлы орган мән-жайды әзірге толық жария еткен жоқ.
#Информбюро #31арна #БастыЖаңалықтар #Новости #31канал