Алматы облысында 44 жастағы келіншекті көршісінің питбуль тұқымды иті талап тастаған

Алматы облысында 44 жастағы келіншекті көршісінің питбуль тұқымды иті талап тастаған. Осыдан кейін Есік қаласының жанындағы саяжай тұрғындары аумақта қаңғыбас иттердің көптігін айтып, наразылықтарын білдіруде. Ал өткен жылы дәл осы ит жолдасын да тістелеп, бір саусағынан айырылған екен.
Жарықтың ақысын төлеуге шыққан Қарлығаш Елемесова қайтар жолда көршісінің бос жүрген итіне тап болған. Тістеген жерін оңайлықпен жібермейтін питбуль тұқымды төбет балтырынан бас салып, кейін бірнеше жеріне тіс батырған екен. Қазір әйелім орнынан тұра алмай ауруханада жатыр дейді жолдасы. Өткен жылы Берік Есқазиевтің өзі де дәл осы итке таланып бір саусағынан айырылыпты. Иесі әлі күнге дейін ешқандай өтемақы төлеген жоқ деген Берік, шара қолдана алмай отырмыз деп ашулы.
БЕРІК ЕСҚАЗИЕВ, саяжай тұрғыны:
– Аяғын талап, жүргізбей тастады ғой. Көшенің басында көшеге шығып кетіп жерге аунатып талаған. Менің өзім өткен жылы саусағымнан айырылдым. Саусағымды алған, аяғымды талаған.
БАУЫРЖАН ЖАҚСЫМБЕТ, тілші:
– Қаңғыбас иттерден зәбір көрген тұрғындар енді балаларымызға тисе ме деп қорқып отыр. Өйткені, көрші ауылға қатынап оқитын оқушылар қас қарая автобуспен осында келеді екен. Көшелерде жарық болмағандықтан қаңғыбас иттердің қай жерден атып шығатынын да білмейсің дейді.
ГҮЛНӘР ӘБІЛҒАЗИНОВА, саяжай тұрғыны:
– 138 хозяин бар. И сол 138 хозяинның бізде қазір 15-18 адам ғана қыстайды. Қалғаны қыстамайды. Қалған адам жоқ. Сол кезде иттің бәрін тастап кетеді. Тастап кетеді, қаңғыбас ит деген содан пайда болады бізде.
Бұл маңда қазір 5 саяжай массиві бар екен. Олардың басым бөлігінде адамдар тек жаз мезгілінде ғана тұрады. Ал, ветеринария бөліміне қанша айтқанымызбен құлақ асар ешкім жоқ дейді. Бүгін жиналған жұрттың алдына Бөлек ауылдық округінің әкімі келді. Ит аулауға өтініш береміз деген қызметкер, адам қапқан итті иесі үйінен алып кетті дейді.
АСЫЛ ИЗИЕВ, Бөлек ауылдық округінің әкімі:
– Учаскелік полицейлер шығып сол үйге иттің иесіне айыппұл салынған. Итті қазір ол алып кетті. Мектеп директорынан да хат түсті. Осы жақта ата-аналар шағымданған екен. Сол шағым бойынша біз тағы да ұсыныс жаздық. Енді жақын арада келеді.
Екі бірдей адамды қапқан итті иесі әлі үйнен алып кетпеді дегеннен кейін, жауапты қызметкерлермен бірігіп жеке тұрғын үйге бардық. Алайда, ешкім шыққан жоқ. Сол себепті жергілікті учаскелік полиция қызметкері егер питбуль тұқымды иттің қайта келгені байқалса, бірден шағымдануға болады деп көпшілікке ескертті.






Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал