Алматы облысы Шарын өзені ластанып кетуі мүмкін!

23 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Достар!

Мен Алматы өңірін көп аралайтынымды білесіздер. Демалыс күндері қалада отырмай далаға немесе тауға шығуға тырысамын. Бір айдай бұрын Шарын ұлттық паркіне бара жатқанда жолышыбай бірнеше шақырымдағы өте терең қазылған траншеяны көріп қалдым. Ішінде трубалар жатыр екен.

Мен таң қалдым, Ұлттық паркіміздің қасында бірнеше шақырым терең траншея кімге керек болды, жануарларға кедергі жасап тұр ғой енді. Зерттесем, бұл траншея «Жетісу Вольфрамы» ЖШС деген фирмаға қатысты екен. Иелері қытайлар болуы керек, себебі қақпасында қытайша жазулары бар.

Мен тиісті мемлекеттік органдарына хат жазып білдім: бұл фирмаға Шарын өзенімізден жылына 349 мың м3 суды алуға рұқсат берілген екен, яғни күніне 956,7 м3. Ол өте көп, өте.

Енді сұрақ туындайды, бұл сумен не істемек? Егер өндіріске пайдаланса, сол өндірістен кейін суды бұндай мөлшерін қайда қайтарылмақ? Егер қайта сол Шарынға төгіп жатса, балық не болады, мал, адам не болады? Шарынның бойында қаншама ауылдар тұрып жатыр ғой!

Бұл сұрақтарды кейіннен емес, өндіріс басталмай-ақ тұрып қою керек деп санаймын. Кейін кеш болуы мүмкін. Тиісті органдар, сол фирманың менеджменті халықтың алдында жауап беруі тиіс. Экология деген өте маңызды мәселе, жер, су ластанып кетсе, ұрпағымызға қиын болады.

Ал біздің көзіміз ашық болуы керек, құлағымызды сергек ұстауымыз керек. Себебі бұл жердің, бұл судың иелері бізбіз.
Категория
Алматы Алматинская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА