Астана көшелері мұз айдынына айналды

Еліміздің бірнеше өңірінде нөсер жауыннан кейін көктайғаққа айналған жолдарда жүру қиындаған. Әсіресе көлік жүргізушілері әбігерге түскен. Тек Астананың өзінде бір тәуліктің ішінде жүзден астам жол апаты тіркелген екен. Бұдан бөлек елорданың жарақат бөлімдері күшейтілген режимде жұмыс істеуге көшкен. Сондай-ақ, бас қаладағы оқушылар мен студенттер үшін бүгін сабақ онлайн өтті.
Астанада күні бойы жауған жауын-шашыннан кейін жол мұзға айналып, қала ішінде жаяу жүрудің өзі қиындаған. Тұрғындар діттеген жерлеріне жете алмай қиналды. Сондай-ақ көктайғақ жүргізушілерді де әбігерге салды. Қоғамдық көліктердің қозғалысы шектеліп, тұрғындар автобусты сағаттап күтуге мәжбүр болған. Ауа райының қолайсыздығын таксидің де бағасы шарықтап кеткен.
ТЕМІРЛАН АРИНОВ, “САРЫАРҚА” Ауданы коммуналдық шаруашылық бөлімінің басшысы:
– Қазір ауа райының салдарынан коммуналды қызметтер жұмысын күшейтті. Қаланың жолдары мен тратуарларына құм себілуде. Жауынның суларын сорғызу жұмыстары жүргізіліп жатыр.
Елордадан бөлек елдің он бес өңірінде дауылды ескерту жарияланды. Табиғаттың тосын мінезіне байланысты Ақмола, Қарағанды Қостанай, Павлодар және Солтүстік Қазақстан облыстарында күре жолдар жабылды.
ЖАННА ДӘУРЕНБЕКОВА, ҚР Төтенше жағдайлар министрлігінің ресми өкілі:
– Ұзақ сапардан және алыс жерге жаяу жүруден бас тартыңыздар. Әсіресе түнде және дауылды ауа райы жағдайында көлік қозғалысына қойылатын шектеу және ауа райы ақпаратымен уақытылы танысып отырыңыздар.
Қазір бас қалада коммуналдық мекеменің қызметкерлері кешелі бері жолдарға құм-тұз сеуіп жатыр. Астана әкімдігі әсіресе қарттар мен балаларға көшеге шықпауға кеңес береді.





Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал