Астана – Қарағанды тасжолында баған құлап, екі көлік зақымданды

4 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Apr 28, 2025

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Ақылы жолдың күйіне Қарағанды жүргізушілері өкпесі де қара қазандай. Астана – Қарағанды тасжолында баған құлап, екі көлікке зақым келді. Зардап шеккендер жоқ. Енді жүргізушілер ақылы жол иелерінен майысып қалған автомобилін қалпына келтіруді сұрайды.
Ермек Кәрібевтың көлігі Қарағандыдан Астанаға 40 шақырым қалғанда бағанаға соғылған. Автомобильдің алдыңғы жағы қатты зақымданыпты.
ЕРМЕК КӘРІБАЕВ, ҚАЛА ТҰРҒЫНЫ:
- Көлік жылдамдығы сағатына 100-110 км болатын, кенет алдымнан құлаған бағананы көрдім. Тоқтап үлгермедім. Салдарынан екі көлік осы жарық бағанына соғылды.
Енді көлік иесі: «Шығынды ақылы жолға жауапты мекеме өтеп берсін», - дейді. Өйткені ол тіреуіштің нашар бекітілгеніне, сол себепті оның жол жиегіне құлағанына сенімді.

ЕРМЕК КӘРІБАЕВ, ҚАЛА ТҰРҒЫНЫ:
- Салықты үзбей төлеймін. Бұл аумақ ақылы болғандықтан, жолдың ақшасын да төлеймін. Енді діттеген жеріңе аман-есен жететініңе де сенім болуы керек қой.

Оқиға орнына полиция қызметкерлері мен «ҚазАвтоЖол» ұлттық компаниясының мамандары барды. Жүргізушілер меншік иелері қауіпсіздікті түгел қамтамасыз етуі керек деп есептейді. Әйтпеген жағдайда келтірілген зиянды өтеуі керек. Ал жол компаниясының өкілдері бұл уәжбен келіспейді.

СӘКЕН ДІЛДАХМЕТ, «ҚАЗАВТОЖОЛ» ҰҚ» АҚ РЕСМИ ӨКІЛІ:
- Қазір полиция департаменті бұл оқиғаның мән-жайын анықтап жатыр. Барлық жәбірленуші бұл істің барысын талқылау үшін құзырлы органға хабарласа алады. Сондай-ақ сотқа немесе сақтандыру компаниясына жүгіне алады.

Мамандардың пайымынша, бұл оқиғаға қатты жел себеп. Бұған күмәнмен қарайтын жүргізушілер адвокат жалдап, «ҚазАвтоЖолдан» өтемақы талап етпекші.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал