Асфальт жол неге шенеунік тұратын көшеге ғана салынған? Қарашаның өкпесі қара қазандай

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Бұл Атырау іргесіндегі Самал ықшамауданының жолдары. Тұрғындардың айтуынша, шенеунік өзі тұратын көшеге тақтайдай тегіс асфальт төсеп алған. Ал, қарапайым халық дені дұрыс жолға жарымай отырмыз дейді. Ойдым-ойдым жолдың азабын тарттық деген жұрт әкімдіктегілерге ашулы. Олар бізді алалаған мемлекеттік қызметкер жазаланып, жол барлығына теңдей салынсын деп отыр.
Бір ықшамауданда екі түрлі көрініс. Бір көшеде тұрғындар шұрық-тесік жолдан қажыған. Ал, енді бір көшеде түп-түзу асфальт. Шулаған халық тақтайдай тегіс жол шенеунік тұратын көшеге салынып, біз назардан тыс қалдық деп қапалы.
ТАЛАП БОРАНОВ, Атырау қаласының тұрғыны:
- Сіздерге жол жоқ деп қағазын жауып тастады. Артынша, бір демалыс өтпей өзі 24-ші көшеде тұрады екен, шауып жүр. Жол салуға жанталасып жүр, өзінің көшесіне. Онда бәріміз солай әкімдікке жұмыс жасайық. Қарапайым халықты қанау мынау дейтін былай қарағанда.
Көлік өтсе, айнала шаңға бөгеді. Ал жаңбыр жауса, батпаққа бататын жолмен жүру нағыз азап. Тіпті, жедел жәрдем мен өрт сөндіру көлігі кіре алмай қиналады екен.
ӘЛМҰРАТ ҚАМАШ, Атырау қаласының тұрғыны:
- Көшеміздің жағдайы өте қиын. Себебі, қыста адам ауырса, не болмаса өмірде түрлі жағдай болады. Жедел жәрдемді шақыру өрт болатын жағдайда келулері өте қиын. Жүріп болмайды. Жалғыз біз отырмыз осылай. Біз не сонда тоқалдан туғанбыз ба, сонда?!
Шенеуніктер көшесіне асфальт төселген қызметкер әкімдікте бөлім басшысының орынбасары болып жұмыс істейтінін жасырмайды. Бірақ басқаға қырын қарап, атқамінерге жол салып берген жоқпыз дейді. Барлық жұмыстың жоспар бойынша жүзеге асып жатқанын жеткізді.
ҚУАНЫШБЕК ҚАБДЫҒАЛИ, Атырау қалалық жолаушылар көлігі және автомобиль жолдары бөлімінің бас маманы :
- Жалпы Самал ықшам ауданында 21,22,23,24,25 көшелерде жол жоқ қазіргі таңда. Бірақ, қала әкімдігі тарапынан бұл көшелерге жобалау-құжаттау сметасы жасақталып бітті. Толықтай. Қазіргі таңда мемлекеттік-сараптамаға жүктелді. Жоспар бойынша маусым айының соңына қарай қорытындысын аламыз! Бюджеттен қаражат сұратамыз!
Әкімдіктегілер жыл соңына дейін Самал ықшамауданындағы бес көшеге жол салып береміз деп сендірді. Алайда, назардан тыс халық уәде сөз күйінде қалса, қала басшысына шағымданамыз деп бекініп отыр.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық