Атыраудағы жұмбақ өлім: күдіктінің 5 баласы мемлекет қамқорлығына алынды

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Feb 3, 2026

Атырау облысы Жангелдин ауылында ерлі-зайыпты зейнеткерлерді өлтірді деген күдікті Сұлтан Сәрсемәливтің бес баласын мемлекет қамқорлығына алды. Кәмелет жасына толмаған ұл-қыздар арнайы орталықтарға орналастырылды. Жауаптылар балалардың қауіпсіздігін қамтамасыз ету мақсатында осындай шешім қабылдаған екен. Нақтырақ айтсақ, ата-әжесінің қолында болған 4, 7 және 9 жастағы балалар бейімдеу орталығына, бір және үш жастағы екі бүлдіршін мамандандырылған балалар үйіне жіберілді. Қазір психологтар жеткіншектермен жұмыс істеп жатыр. Ал, 29 жастағы күдікті мен оның жұбайы Ақбаян Мұқанғалиевадан әлі ешқандай хабар жоқ. Із-түссіз кеткен Мейрамгүл Қарабалина мен інісі Наурыз Мұқанғалиев те табылған жоқ. Полиция іздестіру жұмыстары жүргізіліп жатқанын айтады. Естеріңізге сала кетейік, жылдың басында Жангелдин ауылында бүтін бір отбасының жоғалып кеткені дүйім елді дүр сілкіндірген еді. Полиция алтыншы қаңтарда ерлі-зайыпты Мақсот Қарабалин мен Нәсіп Өтешқалиеваның мәйітін үй ауласындағы сарайдан тапқан. Денесінде пышақ іздері бар марқұмдарды күдіктің көміп, үстін жиһазбен жауып тастағаны анықталған еді.
ВЕНЕРА ҚАБЫШЕВА, Махамбет аудандық білім бөлімінің басшысы:
- Бұл мәселе Атырау облыстық Полиция департаментінен келіп түскен ұсыныс-хат негізінде қаралды. Қазіргі жағдайда балалардың жағдайы бақылауда. Сонымен қатар балалардың құқықтары мен қауіпсіздігін қамтамасыз ету мақсатында уәкілетті органдар тиісті жұмыстар жүргізуде. Балалардың көңіл-күйі жақсы.
#Информбюро #31арна #БастыЖаңалықтар #Новости #31канал