Атырауда апатты жатақханада тұратын медицина саласының ардагерлері шу шығарды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырауда апатты жатақханада тұратын медицина саласының ардагерлері шу шығарды. Бес қабатты баспана бес жыл бұрын тұруға жарамсыз деп танылған. Бірақ зейнетке шыққан ақ халаттылар сол уақыттан бері тозығы жеткен үйде өлместің күнін көріп отырмыз деп күйінеді. Себебі, жатақхананың қабырғасы қақырап, кірпіштері сөгіліп жатыр. Оған қоса, су, жарық және жылу желілері ескірген. Соның салдарынан жиі өрт шығып, талай дүние-мүлік күлге айналған көрінеді. Толығырақ тақырыпты өңірдегі әріптесім тарқатып айтсын.
Денсаулық сақтау саласына еңбегі сіңген ардагерлерге бұл жатақхана отыз жыл бұрын берілген. Бірақ сол уақыттан бері бес қабатты ғимаратта жөндеу жұмыстары жүргізілімеген. Әсіресе электр желілері әбден тозыпты. Өткен айда ғана тоқтың тұйықталуынан өрт шығып Сұлтан Өтепбергеннің пәтері толық жанып кеткен екен.
СҰЛТАН ӨТЕПБЕРГЕН, Атырау қаласының тұрғыны:
– Бүкіл үйім өртенді. Жинаған дүние-мүлкім жанып кетті. Өрттің ішінде қызым екеуіміз қалып қойдық. Өзім де, қызым да ауруханада жаттық он күндей. Бетіміз, мұрнымыз күйіп қалды. Қазір ағайын-туыстың үйінде тұрып жатырмыз.
Медицинаның дамуына үлес қосқан зейнеткерлер жатақхана опырылып ортасына түсе ме деп қорқады. Себебі, 100 пәтерлі баспананың кірпіштері құлап, іргетасы шөккен.
СҰЛУХИЯ ЕРИМАНОВА, Атырау қаласының тұрғыны:
– Төрт отбасы 13 шаршы метр бөлмеде тұрады. Бір дәретхана, бір душ. 5-6 баласы барларға қиын. Кезекке тұрамыз. Кір жуған кезде де айқай. Жуынған да айқай. Барлығы тоқпен жасалған соң, солай.
Ал әкімдіктегілер арнайы комиссия 2019 жылы жатақхананы апатты деп танығанын растайды. Бірақ адамдар жаңа пәтерге қаражат жинап алатын мүмкіндікті пайдаланбаған деп отыр. Енді жаңа үйдің құрылысы аяқталғанша күту керек дейді.
МЕРЕКЕ ЗЕЙНУЛЛИН, Атырау қалалық тұрғын үй- коммуналдық шаруашылық бөлімі басшысының міндетін атқарушы:
– Қазіргі таңда Талғайран және Береке ықшам аудандарында тұрғын үй құрылысы жүріп жатыр. Осы жылдың соңына дейін бітіру жоспарланып отыр. Жоспарға сәйкес тұрғын үйлер аяқталған уақытта тұрғындарды сол мезгілде көшіреміз. Бәрі кезең-кезеңімен жүзеге асады.
Бірақ көпшілік атқамінерлердің айтқанына күмәнмен қарайды. Себебі, бұған дейін де бірнеше рет уәде беріліп, барлығы сөз жүзінде қалғанын көрген.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық