Атырауда бір саусағы жұлынып кеткен оқушының анасы мектеп басшылығын кінәлап отыр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырауда бір саусағы жұлынып кеткен оқушының анасы мектеп басшылығын кінәлайды. Сөзіне сенсек, жеті жастағы қыздың қолы денешынықтыру сабағында қараусыз жатқан спорттық құрылғыға қысылып қалған. Жеткіншектің болашағына алаңдаған әйел оқушыларды қараусыз қалдырған ұстаздар жазаланып, материалдық шығын өтелсін деп отыр. Себебі, психологиялық соққы алған бірінші сыныптың оқушысына әлі де ем-дом керек екен.
ЖҰЛДЫЗ ТІЛЕУХАН, тілші:
- Оқиға мектеп ауласында екі апта бұрын болған. Оқушы дәл осы жаттығу құрылғысынан жарақат алған. Білім ошағының әкімшілі аталған аумақты қазір қоршап қойыпты. Бірақ жәбірленушінің анасы ұстаздар қауіпсіздік шараларын тым кеш жасады деп күйінеді.
Себебі, темірден жасалған спорттық құрылғылар ересек адамдарға арналған екен. Ал оны қоршап қою ешкімнің ойына да келмегеніне ашулы. Бастауыштың оқушылары талай мәрте жарақат алғанын айтқан ана сондай оқыс жағдайдың бірі бірінші сыныпта оқитын қызыммен болды дейді.
НҰРГҮЛ ТӘКЕНОВА, оқушының анасы:
- Түнде шошып оянады балам. Больницада жатқанда жалғыз өзі жатып жылап, мама мен қорқып жатырмын деп. Мектеп басшылығы ешқандай көмек көрсеткен жоқ. Мұғалімдерден ақша жинаймыз деді. Онымен ол не затқа жетеді. Мен қызымды жан-жаққа апаруым керек. Москва, Екатеринбург, Корея, Индия. Бала 18-ге толғанда жасалады екен. Ертең мектепте кекете ма деп қорқамын. Нагрузка балаға.
Темір құрылғы жеті жастағы қыздың бір саусағын жұлып әкетіп, тағы біреуін сындырып жіберген. Жеткіншек қатты шошып қалған дейді анасы. Мектеп директоры балаларды қараусыз қалдырып, салғырттық танытқан мұғалімге ескерту бердік деп отыр. Себебі, бұл жерде жоғары сыныптың балалары шынығуы тиіс екен.
ЖАННА ҚҰЛБАТЫРОВА, Ж. Нәжімеденов атындағы №2 мектеп директорының уақытша міндетін атқарушы:
- Бұл жерде қатенің болғаны бастауыш сынып мұғалімі бұл жерге әкелмеуі керек еді. Мен жиналыстарда айтып отырамын. Балаларыңыз келген ғой, жабық алаңға. Балалар сұраған соң келеңсіз жағдай болып қалды. Енді ол кісіге ескерту бердім.
Белгілі болғандай, екі мектептің алдына дәл осындай спорттық алаңды әкімдік салған екен. Оған 46 миллион теңге қаражат жұмсалыпты.
ҒАСЫРБЕК ТӨЛЕГЕН, Атырау қаласы әкімінің баспасөз хатшысы:
- Бұл жоба 2019 жылы қабылданған. Қазір құрылыс бөлімінің теңгерімінде. Жер құжаттарына байланысты кезең-кезеңімен жұмыстар жүріп жатыр. Жоба бойынша ешқандай ойын орындары немесе спорт алаңдары қоршалмайды. Кепілдік мерзімі бар.
Ал полиция департаменті "Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау" бабы бойынша тергеуді бастады.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық