Атырауда дарынды жастарға арналған жаңа орталықтың құрылысы жүріп жатыр

4 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 9, 2025

Атырауда дарынды жастарға арналған жаңа орталықтың құрылысы жүріп жатыр

Атырау қаласында дарынды жастарды қолдауға бағытталған 192 орындық Жастар өнер орталығы биыл қолданысқа беріледі,- деп хабарлайды Өңірлік коммуникациялар қызметі.

2024 жылдың қараша айында басталған төрт қабатты нысанның жалпы ауданы 1598 шаршы метр. Нысан қалалық Құрылыс бөлімінің тапсырысымен салынып, жұмыстарын «Батыс Строй Сервис Атырау» ЖШС жүзеге асыруда.

- Құрылыс алаңында 50-ден астам жұмысшы бар. Қазір тас қалау, ішкі және сыртқы әрлендіру, сылау жұмыстары жүріп жатыр. Сонымен қатар жарықтандыру бойынша трансформатер қондырылуда. Ғимарат жыл аяғына дейін қолданысқа беріледі,- деді мердігер мекеме өкілі Айболат Құспанов.

Орталықтың мақсаты – Атырау облысындағы дарынды, талантты және ерекше қабілетті жастарды анықтап, олардың шығармашылық және зияткерлік әлеуетін дамытуға жағдай жасау. Мұнда оқушылар мен жастарға арналған түрлі үйірмелер ашып, ғылыми жоба байқауларына дайындық, шығармашылық шеберханалар мен түрлі зияткерлік іс-шаралар өткізу көзделген.