Атырауда емханалар заманауи құрылғылармен толықты

4 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jun 11, 2025

Атырауда емханалар заманауи құрылғылармен толықты

Медицина қызметкерлері күні қарсаңында Атырау қаласында екі бірдей маңызды медициналық нысан заманауи құралдармен жабдықталды,-деп хабарлайды Өңірлік коммуникациялар қызметі.

№7 Атырау қалалық емханасы сегіз айлық күрделі жөндеуден кейін қайта ашылып, облыс көлемінде алғаш рет денситометр аппаратымен жабдықталды.

- Бұл құрылғы сүйек тінінің минералды тығыздығын анықтауға мүмкіндік беріп, остеопорозды ерте сатысында анықтаудың ең тиімді тәсілі саналады. Облыс тұрғындары үшін бұл – өте қажет әрі пайдалы құрал. Енді №7 қалалық емханада дәрігер жолдамасы арқылы тексеруден өтуге толық мүмкіндік бар,- деді облыстық Денсаулық сақтау басқармасы басшысының орынбасары Алмагүл Әбілова.

Сонымен қатар облыстық Онкология орталығында қазіргі талаптарға сай жаңа эндоскопия бөлімі ашылды. Бөлім OLYMPUS CV-1500 бейнежүйесі, GIF-H185 гастроскопы, CF-H185L колоноскопы және Endocab Plus автоматты тазалау жүйесімен жабдықталған.

- Бұл орталықтың маңыздылығы өте жоғары. Бүгінде клиникалық тексерістердің бірінші кезеңі жүргізілуде, ал келесі кезеңде тұрғындарды тереңірек медициналық тексеруден өткізу қажет болады. Осыған байланысты облыс деңгейінде арнайы орталық ашылып отыр. Мұнда заманауи медициналық аппараттар орнатылған. Ең бастысы – барлық эндоскопиялық тексерулер науқасқа қолайлы болу үшін наркозбен жүргізіледі,- деді облыстық Онкология орталығының директоры Эльмира Сапарова.

Жаңа бөлімде жоғары дәлдіктегі зерттеулер жүргізуге мүмкіндік беретін OLYMPUS компаниясының заманауи аппаратурасы орнатылды. Мұнда асқазан-ішек жолдарын эндоскопиялық зерттеу (ФГДС, колоноскопия) және өкпе-бронх ауруларын анықтауға арналған бронхоскопиялық тексерулер жүргізіледі. Бұл диагностикалық әдістер ауруларды ерте кезеңінде анықтап, тиімді ем жүргізуге мүмкіндік бермек.