Атырауда емхананың қызметкерлері наразылыққа шықты

Атырауда емхананың қызметкерлері шу шығарды. Медицина мамандары мерекеде берілетін сыйақы мен әр тоқсанда қосылатын үстеме ақыны толық алмадық деп ашулы. Жұмысты тоқтатып, наразылыққа шыққан ақ халаттылар емдеу мекемесінің басшысы базынамызды тыңдамай, қызметкерлерге қысым көрсетеді деп отыр. Облыстық денсаулық сақтау басқармасының өкілдері мәселені мән-жайын арнайы комиссия анықтайтынын жеткізді. Толығырақ медицина қызметкерлерінің назын әріптесім тыңдап қайтты.
Геолог емханасының қызметкерлері науқастарды қабылдауды тоқтатып, наразылыққа шықты. "Шыдамның да шегі" бар деген ақ халаттылар желтоқсан айындағы мерекелерде уәде етілген сыйақы мен әр тоқсанда берілетін үстеме ақыны толық алмадық деп ашынады. Медицина мамандары басшылық жанайқайын жеткізген қызметкерлерге қысым көрсетіп, жұмыстан кетуге мәжбүрлейді деп отыр.
АЙДАНА СӘЛІМГЕРЕЕВА, Геолог емханасының дәрігері:
– Ақша сұрасақ қысым көрсетіп тұр. Мысалы біздің главный медсестрамыз жұмыстан кетіп жатыр. Біз де қала алмаймыз. Постоянно қарызға кіріп жатырмыз, анаған беріп жатырмыз мынаған беріп жатырмыз. Оның алдындағы басшы бізге ондай әңгіме айтқан жоқ. Осы басшы келгенде неге осындай әңгіме айтылады. 16 желтоқсанда 25 мың теңгемізді алдық. Ал басқа поликникалардан сұрасақ 150, 180, 200 мың алдық ,- дейді.
Ал емхана басшысы дәрігерлерге сыйақыны аз мөлшерде берудің басты себебі мекеменің сыртқы қарызы дейді. Берешекті өтемегенше мереке сайын бөлінетін қосымша ақы да толық берілмейтінін жеткізді.
МЕРУЕРТ ӨТЕҒАЛИЕВА, геолог емханасының басшысы:
– Бұл жерде мен сіздерге айтайын 2 жылдан бері ешқандай дифф оплата алмай жүрдік десе құзырлы органдарға жазсын да беріп тастасын. Сол жерден көтеріп, дифф оплата, скпн, кду услуги берілмеген бәрін шығарып берсін. Емхананың бүгінгі күнде 80 миллиондай қарызы бар.
Ал облыстың бас дәрігері медицина мамандарының талабын тыңдау үшін орынбасарын жіберіпті. Оның айтуынша, қызметкерлердің шағымына қатысты арнайы комиссия құрылып, қызметтік тексеріс жүргізіледі.
АЛМАГҮЛ ӘБІЛОВА, Атырау облыстық денсаулық сақтау басқармасы басшысының орынбасары:
– Бұл жердегі экономикалық қаржылық жауапкершілік басшының мойнында, бұл жерде кредиторлық берешекке байланысты. Егер кредиторлық берешектер болса ешқандай да сыйақы берілмейді. Ал егер де үнемделген қаражат есебінен қаншалықты қаражат үнемделді соған сәйкес ұйым басшысы өзі сыйақы тағайындап береді. Бізде облздрав тарапынан арнайы комиссия құрылады. Сол комиссия қорытындысымен басшы тарапынан кетіп отырған заңбұзушылықтар бар ма соны анықтап жауап беретін боламыз.
Қазіргі таңда геолог емханасында 260-қа жуық орта буынды дәрігерлер қызмет етеді. Олар басшылық еңбегімізді бағаламаса, жаппай жұмыстан кетуге арыз жазамыз деген талаппен жұмыстарына қайта кірісті.





Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал