Атырауда жүкті әйелдер үшін Oscar стандартымен ерте скрининг жүргізіле бастады

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Dec 10, 2025

Атырау облыстық периниаталдық орталығында FISH-микроскоппен жабдықталған цитогенетикалық зертханасы іске қосылды. Осыған дейін Даун, Патау, Эдвардс, Тернер және Клайнфельтер синдромдары сияқты кең таралған хромосомалық аномалиялар жүктіліктің 20-аптасында анықталса, енді оларды жоғары дәлдікпен 12-аптада анықтауға болады, - деп хабарлайды Өңірлік коммуникациялар қызметі.

Заманауи зертхананы жабдықтау «Бір күн клиникасы» жобасы аясында іске асырылған. Жоба AYALA қайырымдылық қорының бастамасымен және «Шеврон» компаниясының қолдауымен жүзеге асқан.

⁃ Атырау облыстық периниаталдық орталығында жүзеге асып жатқан «Бір күн клиникасында» FMF, ISNS, CDC халықаралық стандарттары бойынша сертификатталған генетик және сараптамалық УДЗ дәрігерлері жұмыс істейді. Жаңа микроскоп хромосомалардың санын ғана емес, олардың құрылымы мен өзгерістерін анықтайды. Бұрын көрші облыстарға жіберіп қорытындысын алсақ, қазір өзімізде осындай мүмкіндік көп. Біз көрші облыстың пациенттерін де қабылдай аламыз, - деді облыстық Денсаулық сақтау басқармасының басшысы Қайсар Абдалиев.