Атырауда мектеп құрылысы үш жылға созылды: әкімдік тағы 1 млрд теңге сұрап отыр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
-------------------------------------------------
Атыраудың әкімдігі мектеп салуға бюджеттен бөлінген үш миллиард теңгені азсынып отыр. Шенеуніктер құрылыс материалдары қымбаттап кетті деп тағы бір миллиард ақша сұраған. Соның салдарынан білім ошағының құрылысы үш жылдан бері сағызша созылып келеді. Бүтін бір ықшам ауданның мыңнан астам оқушысы үш ауысымды мектепте қас қарайғанша оқиды екен. Ал ата-аналар атқамінерлердің кесірінен балалардың оқу үлгерімі нашарлап кетті деп күйінеді.
ЖҰЛДЫЗ ТІЛЕУХАН, тілші:
- Көктем ықшам ауданы ата-аналарының жаңа мектепті күте-күте төзімдері таусылған. Көпшілік құрылыс жұмыстары тым ұзаққа созылып кетті деп отыр. Бәрінен де балаларға обал дейді.
Халық алысқа сабылып, үш ауысыммен оқитын ұл-қыздарының қауіпсіздігі мен білім сапасына алаңдайды.
СӘУЛЕ ӘЖІҒАЛИЕВА, Атырау қаласының тұрғыны:
- 3 ауысыммен оқиды. Таңертең 7-де кетеді, кішкентай тышқандай балалар. Кәдімгі 7-8 де. 6-сыныпта оқитын бала түс қайта 3-те барады. Қандай білім болады? Кешкі сағат 8-де келеді. Біздің талабымыз мектепті жасап берсін. Жылда өтірік уәде, мына жерге тақтасын ілді, 2021-де басталды, 2022-де аяқталады деді.
Бірақ құрылыс аяқталмай керісінше созылып кеткен. Жұмысшылар мектептің үш қабатын үш жыл салыпты. Ал, оқушыларды басқа ауданға тасу жұмысбасты тұрғындарға оңай емес.
РАШ НАСЫРОВА, Атырау қаласының тұрғыны:
- Мектеп қай уақытта бітеді? Жұлдыздарда 3 мектептен, ал бізде 1 мектеп жоқ. Сол қалай? Соған жауап берсін. Ақсайға тасимыз. Бірде балшық, бірде автобус болады, бірде болмайды. Немерелерім ғой, соларға жаным ашиды.
Бірақ шенеуніктердің балаларға жаны ашымайтын сыңайлы. Атқамінерлер үш миллиард теңге аз деп мемлекетке тағы алақан жайып отыр. Айтуларынша, құрылыс материалдары қымбаттап кеткен.
ЕРНАР ҚАБЫРБАЙ, Атырау облыстық құрылыс басқармасының бас маманы:
- Жобаға түзетулер енгізіліп жатыр. Бұл жерде жоба 2022 жылы шыққан жоба. Қазіргі уақытта сметалық құны өзекті емес болуына байланысты, өзектілігі жоғалуына байланысты жобаға түзетулер енгізіліп жатыр. Қазіргі таңда құрылыс-монтаж жұмыстары тоқтаған жоқ. Қыркүйекте аяқтау жоспарланып отыр.
Ал, мердігер компания әкімдік бөлінген қаржының бір бөлігін ғана берді. Сондықтан құрылыс тұралады деп отыр.
АҚЖОЛ ЖАРАС, мердігер компанияның өкілі:
- Силовой кабель тарту керек. Жұмыстың жәй жүру барысы ол бізге тапсырыс берушінің бізге жалпы қаржының 27 пайызы төленіп тұр. Енді біз қазір өзіміздің компанияның қалтасынан өзіміз жұмыс жасап жатырмыз. Сол себепті біздің тараптан жұмыс жәй жүріп жатыр. 800 миллион алдық.
Ақ жағалылар жаңа оқу жылына дейін мектепті пайдалануға береміз деп сендірді.
------------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr-
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық