Атырауда мемлекеттік бағдарламамен берілген баспаналар сапасыз болып шықты

6 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Feb 9, 2026

Атырауда мемлекеттік бағдарламамен берілген баспаналар сапасыз болып шықты. Бір жылдан кейін жер үйлердің іргетасы отырып, қабырғада жарықшақтар пайда бола бастаған. Тұруға жарамсыз үйлерді ипотекаға алдық деген жұрт енді жергілікті биліктен көмек сұрап отыр. Себебі, тұрғындар мердігер компаниялардың құрылыс талаптарын сақтамай, қыруар қаражатты қалтаға басқандарына сенімді.
"Нұрлы жер" мемлекеттік бағдарламасы арқылы баспаналы болған көпбалалы ана Мөлдір Рысқалиева қуанышым ұзаққа созылмады деп күйінеді. Жаңа үйдің кем-кетіктері бір жылдан соң шыға бастапты. Алдымен қабырғалары қақырап, бөлмелерді сыз тартты дейді. Өз күшімен олқылықтарды жамап-жасқағанымен нәтиже шықпаған екен.
МӨЛДІР РЫСҚАЛИЕВА, Талғайран ауылының тұрғыны:
- 21 жылдан бері өз күшімізбен алған үй керім болған жоқ. Өз күшімізбен ремонттап әлі жөндеп келеміз. Уже үйдің жағдайы критичный құлауға дейін бар. Мен 6 баламен шапқылап баратын жердің бәріне барып жүрміз.
ЖҰЛДЫЗ ТІЛЕУХАН, тілші:
- 2020 жылы салынған бұл баспаналар апатты жағдайда тұр дейді жұрт. Қабырғасы қақырап, жарықшақтардың үлкендігінен дала көрініп тұр. Үрей құшағында отырған тұрғындар үйінді астында қаламыз ба деп қорқады.
Қыста есік-терезеден жел гулеп, бөлмелер жылынбайды екен. Жер үйлердің барлығы сапасыз салынған дейді тұрғындар. Тіпті, құлауға шақ тұрған баспанасын тастап, пәтер жалдап жүрген жандар да бар.
АЛТЫН ДЕМЕШОВА, Талғайран ауылының тұрғыны:
- Тұру невозможно. Жарлар жарылып жатыр. Фундамент төменге түсіп кеткен. Мына жерде тұрамын. Барлық қарғын су бізге келеді. Результат шықты сонда айтылды что сапасыз. Ештеме сақталмаған. Немерелерімен қаңғып жүрміз квартира жалдап. Мынандай стена құлап қалған соң қалай тұрады адамдар.
Бір-ақ жылда салынған 60 үйдің құрылысына мемлекеттен 2 миллиард теңгеге жуық қаражат жұмсалған. Үш мердігердің біреуі ғана өз қателіктерін мойындап, өтемақы төлеуге келісіпті. Қалғандары кепілдік мерзімі өтіп кеткенін алға тартады дейді шенеуніктер.
АРНАТ ОҢДАСЫНОВ, Атырау қалалық құрылыс бөлімінің басшысы:
- Жалпы, осы «Талғайран-2» елдімекені бойынша полиция департаменті қылмыстық іс қозғады. Мердігер мекемелердің директоры, өкілдерін бәрін шақырылды. Олармен де алдын ала келіссөздер жүргізілді. Бірақ олар гарантийный срок өткеніне байланысты жауапкершіліктен қашып отыр. Мекеме банкрот болғаннан кейін ештеңе жасай алмаймыз деп.
Ай сайын ипотека төлейтін жұрт мердігерлерді жауапқа тартып, қара тізімге кіргізуді сұрайды. Өйткені, олар өз жұмыстарын шала істеген дейді. Ал, әкімдіктегілер құрылыс компанияларын сотқа тартып, мәселені шешіп беруге тырысамыз деп сендірді.
#Информбюро #31арна #БастыЖаңалықтар #Новости #31канал