Атырауда мүгедектігі бар бала тәрбиелеп отырған ата-аналар шу шығарды

11 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Feb 19, 2026

Атырауда мүгедектігі бар бала тәрбиелеп отырған ата-аналар шу шығарды. Олар мемлекеттік көмектің беру тәртібін өзгертуге қарсы. Яғни, гигиеналық заттарды бір жылда төрт бөліп алу тиімсіз деп отыр. Жаңашылдық тауардың сапасына кері әсер етіп, жеткізу шығыны екі есеге артады деп ашынады. Сондықтан еңбек және әлеуметтік қорғау министрлігі тиісті қаулыны бұрынғыдай қалдырғанын қалайды. Ата-аналардың талап-тілегін әріптесім Жұлдыз Тілеухан тыңдған еді.
Гүлжан Құсайынованың 20 жастағы ұлы сал ауруына шалдыққан. Бірінші топтағы мүгедек баланы тәрбиелеп отырған ана жылына бір рет берілетін гигиеналық заттардың жетпейтінін айтады. Оған қоса, жөргек, дымқыл майлық сияқты заттар уақытылы келмейді деп отыр. Айтуынша, тауарды төрт бөліп жіберу қосымша шығын екен.
ГҮЛЖАН ҚҰСАЙЫНОВА, Атырау қаласының тұрғыны:
- Қазіргі уақытта бөліп келгеннің өзінде логистикасы бар, доставкасы бар, кешігіп келеді. Ол келе ме, келмей ме деген уайым қосымша стресс. 4 бөліп келгенде 4 түрлі жерде сапасы қандай болады, бізге аллергия болып қалуы мүмкін, денесіне жара шығып қала ма деген тағы уайымдаймыз.
Гүлжан сияқты мүмкіндігі шектеулі бала тәрбиелеп отырған 400-ден астам ана тиісті қаулыны өзгертуге үзілді-кесілді қарсы. Олар төрт түрлі компания жіберетін гигиеналық заттар сапасыз болып, ұл-қыздардың денсаулығына кері әсер ете ме деп алаңдайды. Сондай-ақ, ерекше күтімді қажет ететін балалар жыл он екі ай үйде отырмайды дейді.
НАЗЕРКЕ ДОСҚАЛИЕВА, Атырау қаласының тұрғыны:
- Себебі бұл жерде гигиеналық құралдар санитарлық өзінің күтімінің бір бөлшегі. Кей үйде бірнеше ерекше бала бар. Олардың емімен жан-жаққа кететіндері бар. Әр тоқсанын баланың емдетуге жұмсай ма уақытын, әлде тоқсан бітейін деп жатыр мен памперс заявка беруім керек деп тревожный состояниемен жүру керек пе?
Ал, шенеуніктер даурығуға негіз жоқ деп отыр. Өйткені, жаңа қаулы әлі талқыланып жатыр деп түсіндірді.
ПОЛЫМБЕТ ХАСАНОВ, Атырау облыстық жұмыспен қамтуды үйлестіру және әлеуметтік бағдарламалар басқармасының басшысы:
- Қазіргі таңда министрліктен осы ереженің норманы енгізу жөнінде енді қаралып жатқан мәселе. Бұл гигиеналық құралдарды беру ережесі министрліктің 287 бұйрығымен бекітілген. Өз тарапымнан жалпы аналармен болған жиын хаттамасын жасақтап, министрлік тарапына бұрынғы беріліп отырған тәсілмен қалдыру жөнінде ұсыныс бергім келіп отыр.
Жалпы аймақта мүгедектігі бар үш мыңнан аса балаға мемлекет тарапынан арнайы көмек тағайындалған. Соған сәйкес, әр балаға жыл сайын 1460 дана жөргек пен өзге де гигиеналық заттар тегін беріледі.
#Информбюро #31арна #БастыЖаңалықтар #Новости #31канал