Атырауда Самал ықшам ауданы тұрғындары наразылыққа шықты

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 30, 2025

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Атырау іргесінде Самал ықшам ауданының тұрғындары шу шығарды. Олар: «Әкімдіктің жыл сайын жол салып береміз деген сөзіне сенуден қалдық», - деп отыр. Ал жергілікті билік өкілдері бұл істі жүзеге асыруға қаржы қолбайлау болып тұрғанын айтады.
Жол азабын тартқан жұрт ақыры жанайқайын осылайша жеткізбек. Өйткені, мамандар 500 метр жерге жол төсемей кеткен. Салдарынан ағайын жылдың төрт мезгілінде жол азабын тартады.
ӘЛМҰРАТ ҚАМАШ, АУДАН ТҰРҒЫНЫ:
- Көшеміздің жағдайы өте қиын. Себебі қыста адам ауырса не болмаса жедел жәрдемді шақыру, өрт болатын жағдайда келулері өте қиын. Жүріп болмайды. Жалғыз біз осылай отырмыз. 2022 жылы 24-ші көшеге салды, бізді ортада қалдырып кетті. Біз не сонда, тоқалдан туғанбыз ба?!

ГҮЛСАРА ТОҒЖАНОВА, АУДАН ТҰРҒЫНЫ:
- 6 жылдан бері 60 түрлі қиындыққа шалдығып жатырмыз. Жаңбыр жауғаннан бастап, осы жердің бәрі көл болады. Су болады. Балаларымыз мектепке баруға қиналып жүр. Алған көлік шетінен сынып болды. Аяқ-қолымызды сындырдық.

«Жергілікті билік өкілдері бар мәселе қаржыға тіреліп тұр», - дейді. Қазір сметалық-жобасы әзірленген.

ҚУАНЫШБЕК ҚАБДЫҒАЛИ, ЖКЖАЖ БӨЛІМІНІҢ БАС МАМАНЫ:
- Самал ықшам ауданында 21, 22, 23, 24, 25 көшелерде жол жоқ. Бірақ қала әкімдігі тарапынан бұл көшелерге жобалау-құжаттау сметасы жасақталып бітті. Қазіргі таңда мемлекеттік-сараптамаға жүктелді. Жоспар бойынша маусым айының соңына қарай, қорытындысын аламыз. Бюджеттен қаражат сұратамыз.

Жыл соңына дейін Самал ықшам ауданындағы бес көшеге жол салынады. Әкімдік өкілдері осылай деп отыр. Сондықтан жергілікті жұртқа осы сөзге сеніп, күтуден басқа амал жоқ.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал