Атырауда қатты аяздан Жайық өзеніндегі су қатып, салдарынан жұрт ауыз сусыз қалды

Атырауда қатты аяздан Жайық өзеніндегі су қатып, қаладағы су тазарту қондырғылары істен шыққан. Соның салдарынан жұрт ауыз сусыз қалды. Амалы қалмаған тұрғындар ақыры тіршілік нәрін сатып алып тұтынуға көшкен. Төтенше жағдайдан кейін бүгін бірінші ауысымдағы оқушылар да онлайн оқуға көшті. Қазір арнайы құрылған комиссия мәселенің мән-жайын анықтап жатыр. Тақырыпты өңірдегі тілшіміз Жұлдыз Тлеухан айтып берсін.
Атырау қаласы ауыз сусыз қалды. Бұрын-соңды мұндай жағдайды көрмеген жұрт абдырап қалды. Бұл күні дүкені бар кәсіпкерлердің саудасы қыз-қыз қайнады. Себебі, адамдарға жаппай тіршілік нәрін сатып алуға тура келген.
НАЗИРА ІЗІМ, Атырау қаласының тұрғыны:
– Ішетін де, тамақ істейтін де су жоқ. Уже дүкендерде жоқ. Түсінікті ғой все уже разобрали. Түбінен, тамырынан бастап дұрыстап қарау керек. Қысқа дайын емес 10 градуста Жайық қатты дейді, ол қатқанда насос барлығы отказ келіп жатыр.
ЖАҢЫЛСЫН САДИЕВА, Атырау қаласының тұрғыны:
– Кешеден бері су, жарық жоқ. Причина мұз қатып қалды деп айтады. Айтып отырғандары сказка. Ондай өмірі болған жоқ. 10 градус қана қалай қатып қалады.
Шенеуніктер берген ресми жауап бойынша да Жайық өзені қатып, су тазарту қондырғылары істен шыққан. Құбырларды тазалаған мамандар қысым қалпына келтірілгенін жеткізді. Ал "Атырау су арнасы" мекемесінің өкілдері мұндай табиғи құбылыс 20 жыл бұрын болған, оны шәуіш деп атайтынын мәлімдеді.
ҒАСЫРЖАН ЛЕКЕРОВ, "Атырау облысы су арнасы" мекемесі басшысының орынбасары:
– Шуга дейміз ғой, орысша мұздың дер кезінде бір уақытта қатпау салдарынан желдің күшінен айнала қатпай орта қатып, желдің салдарынан бері қарай біздің сеткаға тіреліп, сол себептен пайда болды. Шәуіш деген –тез қатпау мұздың беті кілегей ғой, жаңадан тас лақтырғанда ойылып кететін, соны шәуіш дейміз. Сондықтан осы оқиға болып отыр, осы уақытқа дейін ондай болған жоқ.
Қазір 8 тұрғын үйге су әлі берілген жоқ. Алайда, жауаптылар бұл олқылықты бүгін толық жоямыз деп сендірді. Қазір арнайы құрылған комиссия су арнасының мамандарымен бірігіп барлық құбырларды тексеріп жатыр.





Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал