Атырауда қоқысқа толған пәтерден зейнеткердің өлі денесі табылды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырауда пәтерін қоқысқа толтырған қария көршілердің берекесін алған. Себебі, тұрмыстық қалдықтың жағымсыз иісі көпқабатты үйді түгел жайлаған. Халық тышқан мен зиянкестер қаптады деп ашынады. Тіпті, тұрғындар сасық баспанадан мәйіттің иісі шығады деп дабыл қақты. Халықтың шуынан кейін пәтердің ішінен расыменде зейнеткердің өлі денесі табылды. Мүрденің қанша уақыт бойы жатқаны белгісіз.
Екі бөлмелі пәтер аузы-мұрнына дейін қоқысқа толған. Тұрмыстық қалдықтардан аяқ алып жүру мүмкін емес. Бос орын жоқ. Мүңкіген иіс мұрынды жарып, үйімізге кіре алмай қалдық дейді тұрғындар.
БОЛҒАН ЖИДЕКБАЙ, Атырау қаласының тұрғыны:
- Иіс дейтін, мүмкін емес. Балаларға инфекция тарай ма деп қорқып отырмыз. Бәрінен қорқып отырмыз. Тұрып жатырмыз, амалсыз не істейміз. Кімге барып, айтамыз. Шаршадық. Талабымыз тазалық керек.
Бұл баспанада 60 жастағы зейнеткер тұрған. Жалғызбасты қария қоқысты үйінде не үшін жинай бергені түсініксіз. Шулаған халық пәтердің ішінен мәйіттің иісі шыға бастағанын сезіп, полиция шақыртқан. Тәртіп сақшылары үйдің ішіне кіргенде қарт кісінің демі үзілгені белгілі болған. Бұл жайт тұрғындарды тіптен шошытты.
ЛӘЗЗАТ ДӘУЛЕТБАЕВА, Атырау қаласының тұрғыны:
- Бүкіл жерде тарап жатыр. Қоқыстың, өліктің иісінен демалу мүмкін емес. Қоқыстың қанша жыл бойына жинағаны құдай білсін. Кім тазалайды. Біз өзіміз өз денсаулығымыз үшін тұрғындар болып ақша жинап тазалау жұмыстарын жүргіздік. Өліктің иісі вирус таратып жатыр. Кетпейді иіс. Залалсыздандыру керек, кім жасайды?
ЖҰЛДЫЗ ТІЛЕУХАН, тілші :
- Пәтерді коммуналдық қызметкерлер тазалауға кірісті. Тонналаған тұрмыстық қалдықтары шығарылып, бірнеше камазға тиелді. Ұл-қыздарының денсаулығына алаңдаған халық үйге толық дезинфекция жүргізу керек деп отыр.
Бірақ шенеуніктер залалсыздандыру жұмыстарын жүргізу мәселесі әлі шешілмегенін жеткізді.
ҒАСЫРБЕК ТӨЛЕГЕН, Атырау қалалық әкімдігінің баспасөз хатшысы :
- Қалалық әкімдік тарапынан сол үйдегі қоқысты тазарту жұмыстары бойынша нақты тапсырма берілді. Арнаулы автобаза мекемесінің бригадалары барып, тазалау жүргізеді. Санитарлық -эпидемиологиялық жағдай бойынша тиісті органдарға хат әзірленіп, жолданбақ. Қазір арнаулы база жұмысшыларына тапсырма береміз, дәрі, залалсыздандыру жұмыстарын шашу бойынша.
Қазір қылмыстық іс қозғалып, қайғылы оқиғаның мән-жайы анықталып жатыр. Марқұмның не себепті қараусыз қалғанын жауаптылар анықтайды.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық