Атырауда өткен «Ustaz hub» форумына 500 мұғалім қатысты

3 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Атырауда өткен «Ustaz hub» форумына 500 мұғалім қатысты

Атырау қалалық білім бөлімі мен «Білім-инновация» халықаралық қоғамдық қорының ұйымдастыруымен және «Qundylyq.kz», «Ustaz.pro» орталықтарының қолдауымен ұстаздарға арналған форум өтті,- деп хабарлайды Өңірлік коммуникациялар қызметі.

Іс-шарада жеті спикер 7 тақырыпта баяндама оқып, мамандарға өз тәжірибелерімен бөлісті. Жаңа әдістермен білім беру, психология, жасанды интеллект, тәрбие және цифрландыру бағытында өзекті тақырыптар өрбіді.

Атырау қалалық білім бөлімінің басшысы Айнагүл Дүйсекенованың айтуынша, жас мамандар өздерін дамыта отырып, шәкірттерін түрлі додаға қатыстыру арқылы білім саласының дамуына жоғары үлес қосуда.

- Бүгінде Атырау қаласында жеті мыңнан аса педагог жұмыс істейді, олардың 1900-ден астамы — жас ұстаздар. Яғни, 40 жасқа дейінгі және жеті жыл жұмыс өтілі бар мамандар. Біздегі білім ордалары жыл сайынғы жаңа оқу жылы қарсаңында еңбек өтілін енді бастайтын ұстаздарды қызметке алуды жақсы жүзеге асырып келеді. Мысалға 2022-2023 оқу жылында 196 жас маман қызметке қабылданса, келесі оқу жылында бұл көрсеткіш үш есеге артып, жас маман саны 607-ге жетті, - деді А.Дүйсекенова.

Айта кетейік, қаладағы 68 білім беру ұйымында 78 мыңнан астам шәкірт білім алады. Ал балабақшадағы тәрбиешілер арасында 398 жас маман қызмет етсе, олардың қосымша білім беру ұйымдарындағы саны 100-ден асады.

- Бұл жиын республика бойынша 14 рет өтіп жатыр. Атырауда алғаш ұйымдастыруымыз. Мұғалімдер жаңа білім беру әдістерін үйреніп, көзқарастарын өзгертеді. Біз бөліскен тәжірибені оқушыларына үйретеді,- деді «Білім-инновация» халықаралық ҚҚ вице-президенті Акбар Новаров.
Категория
Атырау Атырауская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА