Атыраудың қақ ортасында қоныс тепкен халық үш күннен бері жарық жоқ

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырау қаласының қақ ортасында орналасқан тұтас бір тұрғын үй кешенінде үш күннен бері жарық жоқ. Қас қарайғанда шам жағып, ұл-қыздарын оқыта алмай қиналған жұрттың шыдамы шегіне жеткен. Себебі, ыстық және суық су да электр қуатына қосылған. Соның кесірінен техника атаулы бірінен соң бірі күйіп жатыр екен. Тіршілігіміз тұралады деген тұрғындарды әріптесім Жұлдыз Тілеухан тыңдап қайтты.
Былтыр жаңа баспанаға кірген жұрттың қуанышы ұзаққа созылмады. Себебі, тұрғын үй кешеніне инфрақұрылым дұрыс жүргізілмеген дейді ашынған жұрт. Мәселен, жарық, ыстық және суық су міне үшінші күн жоқ.
ЖҰМАГҮЛ ЕРНИЯЗОВА, Атырау қаласының тұрғыны:
Жарық сөнсе ыстық, суық су да тоқтайды. Проблема өте көп. Былтыр көшіп келгенмін. Көргеніміз осы. Балаларды сабаққа жіберу өте қиын. Оқыта алмаймыз қараңғыда.
ЖҰЛДЫЗ ТІЛЕУХАН, тілші:
- Үй ішінде тұрған бұл тоңазытқыш күйіп, істен шыққан. Тұрмыстық техниканы несиеге алған тұрғындар шаш етектен шығынға батқандарын айтады. Сондықтан жиі өшетін жарық мәселесін шешіп беруді сұрайды.
Ашуға мінген халық жағдай бұлай жалғасса коммуналдық төлемге ақша аударудан бас тартпақ.
ТӘРБИЕ ҒҰСМАНОВА, Атырау қаласының тұрғыны:
- Ақшасын төлеп отырмыз уақытылы 25-37 мың аралығында. Күн сайын сөндірсе кімге, не үшін төлеп отырмыз сонда? Онда біз қаржыны төлемейік егер осылай жасайтын болса. Себебі, мезгілмен бермесе сөндірсе түк пайда жоқ.
Қаражатты пәтер иелері кооперативі жинап, құрылыс компаниясына өткізеді екен. Жарнамасы жер жарған үлкен холдингтің басшысы электр желісінен шыққан ақауды қалыпқа келтірдік деп ақталды.
ТИМУР ӨТЕМҰРАТОВ, "K7 GROUP" құрылыс холдингінің басшысы:
- Барлық компания өкілдері қандай да бір мәселе туындаса осындамыз. Бұл жағдайлар қайталанбас үшін жұмыстанып жатырмыз. ЖКХ балансына өткізуді қарастырып жатырмыз. Атырау-Жарық сервисіне болуы үшін. Техникалық ақау болған бізге бір тоқ желісі қосылып тұр. Ақау содан пайда болған. Қазір оны алып тастадық содан болған.
Бірақ тұрғындардың компания тарапынан көрсетілетін қызмет көрсету сапасына көңілдері толмайды. Сондықтан, олар жарық пен суды әкімдік балансына беруді талап етеді.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық