Атыраулық дәрігерлер маусымдық жұқпалы ауруларға қарсы сақтық шараларын күшейтуге шақырады

11 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 19, 2025

Маусымдық жұқпалы аурулардың көбеюіне байланысты мамандар сақтық шараларын түсіндірді. Ең алдымен аурудың алдын алып, пайда болған жағдайда алғашқы күннен бастап дұрыс ем қабылдау керектігін атап өтті, - деп хабарлайды Өңірлік коммуникациялар қызметі.

Биыл жергілікті бюджет есебінен Ресейде өндірілген «Гриппол плюс» вакцинасы сатып алынды. Оның құрамында тұмаудың А/H3N2/, А/H1N1/ және В штаммдарының антигендері бар.

ЖРВИ-дың негізгі белгілеріне тамақтың жыбырлауы мен ауруы, тұмау, жөтел, дене қызуының көтерілуі, әлсіздік пен қалтырау жатады.

⁃ ЖРВИ-дан қорғанудың ең тиімді жолдары — қолды жиі жуу, адам көп жиналған жерден аулақ болу және маска тағу. Ең бастысы — ЖРВИ-ға қарсы екпе салдыру. Екпе аурудан 100% қорғамаса да, жұқтырған жағдайда адам организмі ауруды жеңіл өткереді. Ауырған жағдайда көп сұйықтық ішіп, тынығып, бөлменің ауасын желдету қажет. Сондай- ақ иммунитетті күшейту де өте маңызды, — деді №2 қалалық емханасының отбасы денсаулығы бөлімінің меңгерушісі Наргүл Ғайнетова.

Мамандар үш-төрт күнде жағдай жақсармаған немесе вирус белгілері күшейген жағдайда міндетті түрде дәрігерге қаралу қажеттігін ескертеді.

№2 қалалық емханасында 1 қарашадан бастап ЖРВИ диагнозымен 732 тұрғын тіркелген. Сонымен қатар індеттің алдын алу мақсатында 3 380 адамға ЖРВИ-ға қарсы екпе салынған.