Атыраулық отбасы көмекке мұқтаж #атырау

22 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Салтанат Мұқашев (Байтұрсынов көшесінде) 1953 жылы салынған ағаш үйде тұрады. Бүгінде апатты үйде газ, су тіпті жарық та жоқ.
Салтанаттың айтуынша бұл үй әкесінен қалған. Бүгінде әке шешесі, бауырлары бәрі о дүниелік болған. Бұл үйде науқас қарындасымен бірге тұрады.
- Қарындасым көптен ауырады, сөйлемейді, жүрмейді. Мүгедектігі жөнінде әлеуметтік төлемақы да алмайды. Себебі оған тиісті құжаттарды жинақтап, тасып жүретін адам жоқ. Өзім де жұмыссызбын, үйде қарындасымды бағып отырмын, дейді Салтанат.
 
Бүгінде қамыстан салынған үйдің қабырғалары сөгіліп, үй жерге отырып кеткен. Бөлмелердің ішін ылғал басып, ауласын су алып кеткен. Жерасты суы болғандықтан оны тазалағанмен қайтадан орны суға тола береді.
 
Апатты үйде тұрып жатқан Салтанаттың ас тамағын ата қоныс көршісі пісіріп береді.
- Ішетін суды да бізден алып отыр. Алдымыз қыс. Осы жылы жаңбырдан үйлерінің төбесіне су кетті. Қыста қалай отыратынын білмеймін. Қайырымды жандар болса ауласына бір бөлмелі конструктор контейнер орнатып берсе, суымен жарығын бізден алуға көмектесер едік, дейді көршісі. 
 
Салтанаттың айтуынша, кезінде Иманғали Тасмағанбетов облыс әкімі болып тұрған кезде облыс әкімі тұратын резиденцияның аула сыпырушысы болып қызмет еткен.
Сол кезде маған жаңа үй әперу туралы ұсыныстар айтқан. Бірақ әке шешем ата қоныстан көшкісі келмей содан үй ала алмай қалдық дейді.

Өткен жұма күні атыраулық ерікті жастар қайырымдылық жасап, үйіне жаңадан төсек көрпе, матрас өзі мен қарындасына жылы киімдер табыстады. Сонымен қатар тұрғынның бұл жағдайын «Қаракет» қайырымдылық қорына жеткізуге атсалысты. Бүгінде «Қарекет» қоры мұнайлы астанада қауқарсыз күйде тұрып жатқан тұрғынға баспана алып беру үшін Қазақстан бойынша қаржы жинауды бастап кетті.
Категория
Атырау Атырауская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА