Атырау мұнай өңдеу зауытында Әз-Наурыз тойланды

18 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Атырау мұнай өңдеу зауытында Әз-Наурыз тойланды

«АМӨЗ» ЖШС ұжымы Ұлыстың ұлы күні – Наурыз мерекесін биыл да ерекше көңіл күймен қарсы алды. Кәсіпорынның 80 жылдық мерейтойы мен Жалпыұлттық Наурызнама онкүндігі аясында қызметкерлердің қатысуымен мәдени-спорттық шаралар ұйымдастырылды,-деп хабарлайды Өңірлік коммуникациялар қызметі.

Мерекелік шаралар легі Көрісуден басталды. Зауыт аумағында құрылған этноауылда еңбеккерлер бір-бірімен қуана қауышып, аман-саулық тілесті. Ал өндірістік нысандар мен әкімшілік ғимараттар айналасын тазартуға бағытталған экологиялық тимбилдингке 100 шақты қызметкер қатысты.

Жас мамандар кеңесінің ұйымдастыруымен «AMOZIUM Nauryz Edition» интеллектуалдық сайысы, сондай-ақ «Ізгілікке үлес қос» қайырымдылық акциясы өткен болатын. Қаладағы спорт кешендерінде кәсіпорын қызметкерлері мен ардагерлері арасында садақ ату, асық ату, арқан тартыс, қазақ күресі мен дойбыдан дәстүрлі турнир ұйымдастырылды. Мұнай өңдеушілер қала орталығында өткен ұлттық киімдер шеруіне де қатысты.

20 наурызда АМӨЗ қызметкерлері этноауылға жиналып, зауыт өнерпаздары мен жергілікті әртістер әзірлеген концерттік бағдарламаны тамашалады.

Іс-шарада сөз алған «АМӨЗ» ЖШС бас директорының жалпы мәселелер жөніндегі орынбасары Сәлімжан Нақпаев жиналғандарды ұлыс тойымен құттықтап, «Наурыздың күллі қоғамды ұйыстыратын негізгі құндылықтарымыздың бірі, ал оны жаңаша форматта атап өту рухани болмысымызды жаңғыртудың айрықша мүмкіндігі екенін» айтты.

Мерекелік шара барысында спорттық турнир жүлдегерлері, «Үздік ұлттық киім» номинациясының жеңімпаздары мен зауыттың белсенді жастары марапатталды.
Категория
Атырау Атырауская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА