Атырау облысына Жем өзенінен қауіп көп

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Атырау облысы су тасқынына қызу дайындалып жатыр. Биыл Жем өзенінен қауіп көп. Себебі қазір Ойыл мен Жемге қызыл су қазірден құйылып жатыр. Қазір барлық қауіпті аумақ белгіленіп жатыр. Сонымен бірге Иреклі су қоймасынан келетін су мөлшері де жоғары болуына байланысты жан-жақты талқылау жүргізілуде.
Жайық өзені 430-490 сантиметрге дейін көтеріледі. Су саласының мамандары алдын ала осындай болжам жасады. Бұл өткен жылғыдан 1 метрге төмен. Су деңгейін бақылау үшін тағы 4 су бекеті салынып жатыр.

СЕРІК ШӘПКЕНОВ, АТЫРАУ ОБЛЫСЫНЫҢ ӘКІМІ:
- Жайық бойынша үлкен қауіп бар деп ойламаймыз. Бірақ біз мұқият болуымыз керек. Екінші халықты құлақтандыру, уақытылы хабар беріп отыру мәселесін қолға алыңдар. Төтенше жағдайда жұмыс істеп отырмыз, сондықтан оның да сұрауы қатаң болады.
Сонымен қатар көрші Орынбор қаласындағы Иреклі су қоймасынан айдың соңында көп мөлшерде су жіберілуі мүмкін деген болжам бар. Сондықтан қазір қос тарап осы қауіптің алдын алу жұмысын пысықтап жатыр.
ВАСИЛИЙ МЕЩЕРИН, ОРЫНБОР ГИДРОМЕТЕРОЛОГИЯ ОРТАЛЫҒЫНЫҢ БАСШЫСЫ:
- 10 наурыздан бастап жіберілетін су деңгейі секундына 201 текше метр болып белгіленген. 27 наурызға дейін су қоймасында 1,2 млрд текше метр босайды. Су тасуы кезінде 0,9-дан 1,5 млрд текше метрге дейін су келеді деп болжанып отыр, бұл өр суының қауіпсіз өтуіне мүмкіндік береді.
Былтыр қызыл су басқан Жылыой ауданында тасқынның алдын алу қамы жасалып жатыр. Сонымен қоса, Қызылқоға, Махамбет, Индердегі жағдай да қатаң бақылауда. Жалпы табиғи апатпен күресуге биыл 796 млн теңге бөлінген.


---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал