Атырау облысында кене қаптап кетті

Арнаға тіркел / Подпишись на канал: https://www.youtube.com/@UCqzhjBGNNwAIOH4u0YlJ6NA

Атырау облысы Құрманғазы ауданында кене қаптап, салдарынан киік қырылып жатыр. Әсіресе Азғыр, Асан, Сүйіндік елді мекенінде зиянкес шамадан тыс көбейген. Қазір жазық далада жануарлардың өлекселері жатыр. Шаруалар дабыл қақты. Өйткені қансорғыштар малға да шаба бастаған.
Шаруа Бек Капуновтың төрт-түлігі жаппай қырылып қалған. «Жайылымдық жерге тараған індет малға шауып, түгін қалдырмады», - дейді. Қазір шаруа өз бетінше өзге ірі қарасын улап, егу жұмыстарын жүргізіп әлек. «Бұрын-соңды мұндай жағдай болмады» деген қожалық иесі әкімдік дереу алдын алуы тиіс деп есептейді.

БЕК КАПУАНОВ, ШАРУА:
- Малдың үсті түгел кене. Киіктің өлекселерінен жерге тарап, малға тарап отыр. Өзіміз тазалап, егу жұмыстарын жүргізіп жатырмыз. Астанада келген мамандар малдың үстіндегі кенені көріп, сынама алды. Жылқы, киіктің өлгенін көрді. Халыққа, малға зияны бар-жоғы сынамадан соң анықталмақ.
Ал салаға жауапты мамандар нақты қанша киіктің қырылғанын ашып айта алмады. Нақты себебін Астанадан келген мамандар анықтайды. Сынама қорытындысы екі аптадан кейін белгілі болады.

АСЫЛАНБЕК ШАРИПОВ, ОБЛЫСТЫҚ АШЖҚ БАСҚАРМАСЫНЫҢ БАС МАМАНЫ:
- Қазіргі таңда Құрманғазы ауданындағы Асан, Сүйіндік, Азғыр ауылдық округтерінің аумағында орналасқан шаруалар шағымы бойынша даладағы жабайы киіктердің денесіндегі кененің ауыл шаруашылығы жануарларының денесіне көшіп, шамадан тыс көбеюінен қазір шағым келіп түсіп жатыр. Аталған шағымға байланысты ғылыми зерттеу институтының мамандары тобы шақыртылып, киіктердің аса қауіпті ауруларына қарсы зерттеу жұмыстарын жүргізу үшін сараптама алынуда.
Қазір қырылған киік өлекселері өртелді. Аймақта улау, дезинфекциялау жұмыстары жүргізіліп жатыр.
---------------------------------------------
Официальный сайт «Седьмого канала» https://tv7.kz/ru/
Instagram: https://www.instagram.com/tv7_kz/
TikTok: https://www.tiktok.com/@tv7_kz
Facebook: https://www.facebook.com/tv7kz/
Telegram: https://t.me/tv7_kaz

#Жаңалықтар #жаңалықтар2025 #жаңалықтаржетіншіарна #Жетіншіарна #седьмойканал #7канал