Атырау облысында оқушыларға озбырлық көрсеткен екі жасөспірім жазалануы мүмкін

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Атырау облысында жоғары сыныптың оқушылары екі жасөспірімге озбырлық көрсеткен. Олар өздерінен кіші ұлдарды таяқтың күшімен қара жұмысқа жекпек болды дейді ата-аналар. Көнбеген соң әбден қинап, жазалады. Ол аздай, ақша бопсалады деп отыр. Денесі көк ала қойдай көгеріп, миы шайқалған жәбірленушілер қазір дәрігерлердің бақылауында екен. Ал полиция осы дерек бойынша тергеуді бастады.
Балаларының қанталаған денесін көрген ата-аналар алып-ұшып мектепке жетті. Айтуларынша, жоғары сыныптың оқушыларынан оңбай таяқ жеген ұлдар әбден қорқып қалған. Әлімжеттікке оқушылардың қара жұмысқа бармауы себеп болды дейді.
ТІЛЕКШІ ҚАЛИПА, Еркінқала ауылының тұрғыны:
- Шаруаға шақырады екен, бұл ұлдар бармаған соң ұрып соққан. Аяусыз ұрған, баламның басынан соққан. Келесі тағы айтатын болсаңдар осындай тағы қайталанды деп қорқытқан. Ақша сұраған. Үстінің барлығы қан болған. Жұдырықпен де, таяқпен де ұрған. Қолы қан болды.
Екі жеткіншектің денесі қатты соққыдан қанталап кеткен. Сегізінші сыныптың оқушылары үйлеріне келгенде өздерін жайсыз сезіне бастаған. Ал ұлдарының жарақатын көрген ата-аналар бірден дабыл қаққан. Олар мектепте қатаң тәртіп орнататын сотқар балалардың жазаланғанын талап етеді.
ҚҰРАЛАЙ ШАМАРОВА, Еркінқала ауылының тұрғыны:
- Жедел жәрдем бала қатты соққы алған деп айтты, ушиб деді. Таяқпен ұрған баланы, аяусыз ұрған ғой кәдімгі. Жауыздық қой бұл енді. Үйде бір таяқ жемейтін балалар, далада таяқ жеп жүр. Сол біз әділдік талап етеміз. Заңды түрде бізге шешімін берсін дейміз. Себебі, біз біліп тұрмыз бұл жағдайды жай жауып тастасақ, кешірім беріп, тағы да қайталануы мүмкін.
Ал мектеп басшысы болған жайттан хабарсыз. Директор білім ошағында бұрын-соңды мұндай жағдай болмады деп ақталды. Тіпті, жоғары сыныптың оқушыларына шаң жуытпады.
БОЛАТ ХИСМЕТОВ, Еркінқала орта мектебінің директоры:
- Бірақ бұрын соңды мұндай тәртіпсіздік жасаған оқушылар емес. Олар ешқандай есепте тұрған оқушылар емес, тіпті мектепішілік есепте тұрған жоқ. Сабақтарына келіп, үлгерімдерін барынша үлгеріп жүрген оқушылар. Бірақ бұл оқушылар бұрынғы кезде қылмыс жасап, тәртіпсіздік жасамаған оқушылар деп айтуыма болады.
МЕЙІРІМ ЕРДӘУЛЕТ, Атырау облысы полиция департаментінің баспасөз хатшысы:
- Кәмелетке толмаған күдіктілердің болуына байланысты олардың заңды өкілдерінің қатыстырылуымен жауаптар алынуда. Сондай-ақ, құқықбұзушылыққа жол берген жасөспірімдер ішкі істер органдарының есебіне алынып, оларға қатысты іс-құжаттар кәмелетке толмағандардың істері жөніндегі комиссияға жолданатын болады.
Жәбірленушілерге ақ халаттылар медициналық көмек көрсетіп, үйлеріне жіберген. Білім бөліміндегілер дәл осы оқиғадан соң барлық мектептерде түсіндіру жұмыстарын жүргізбек.
--------------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық