Атырау облысында шегірткелер қара құрттай қаптап, бау-бақшаны отап жатыр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырау облысында шегірткелер шаруалардың жұмысын тоқтатты. Қара құрттай қаптаған зиянкестер егістік алқаптарды жайпап, ауладағы бау-бақшаны да отап жатыр. Қазір бірнеше ауданда жағдай ушыққан. Дабыл қаққан шаруалар залалсыздандыру жұмыстарын күшейтпесе азық іздеген жәндіктердің қарқыны қатты дейді. Жауаптылар бұл мәселені қалай шешпек? Толығырақ өңірдегі әріптесімнің бейнематериалында.
Сандуғаш Жармұхамбетованың піскелі тұрған жемісі пен көкөнісін қара шегіртке түгін қалдырмай отап кеткен. Еңбегі еш кеткен шаруа енді не істерін білмей отыр. Шарасыз күйге түстім деген тұрғын жергілікті билік мәселеге араласпаса күзде өнімсіз қалатын түріміз бар деп налиды.
САНДУҒАШ ЖАРМҰХАМБЕТОВА, шаруа:
– Биылғы жылы бізге үлкен кедергі көрсетіп тұрған мына шегіртке ауданды басып алды. Сол шегіртке үлкен зиян әкеп тұр егінге. Кеше отырғызған қияр, сәбіз, пияз, қарбыздың бәрін жеп қойды. У шашылды, бірақ қайта пайда болды. Шегіртке әлі кетпей тұр. Қалай күресу керек білмейміз. Үкімет тарапынан көмек болса.
Қара құрттай қаптаған қара шегіртке қазір егістікті қойып, қала халқын да әбігерге салды. Тұрғындардың дені есік-терезе ашудан қалдық дейді. Әсіресе, зиянкестер кешкі уақытта шамадан тыс көбейеді екен.
Жауаптылар шегірткенің қаптауына тасқын су мен аптап ыстық себеп екенін айтады. Қазір өңірде жәндіктің италиялық және азиялық түрлері кең тараған. Зиянкестермен күрес жұмыстары қарқынды жүргізіліп жатыр дейді жауаптылар. Биыл бұл шаруаға облыс бюджетінен 58 миллион теңге бөлінген екен.
ХАМИДОЛЛА ДӘУЛЕТҚАЛИЕВ, Атырау облыстық антисанитарлық диагностика және болжамдар әдістемелік орталығының басшысы:
– Саяқ шегірткелердің көбеюінің басты себебі ең бірінші бұл шегіртке тұқымдастарының биылғы жылы даму циклының 12 жылдық өзінің көбею, шарықтау шегіне жетуіне байланысты болып отыр. Екінші себебіне келетін болсақ, биылғы өр суының көптеп келуі. Олардың таралуын азайтып, сол себептен қалаға жақын жерлерде, елдімекендердің ішіне кіріп, қолайсыздықтар тудырып жатқаны бәрімізге белгілі.
Мамандар шегірткелер далалық аймақта дернәсіл салатын жайлы мекен іздейтінін айтады. Яғни, зиянкестер таңдаған жер - табиғи тыңайтқыш. Бірақ биыл шегірткеге азық болған жерге келер жылы шөп шүйгін шығады деген болжам бар.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық