Атырау облысы Ақсай-2 ауылының тұрғындарына бөгет орнатуға техника жетіспей жатыр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Атырау облысы Ақсай-2 ауылының тұрғындарына бөгет орнатуға техника жетіспей жатыр. Қала іргесіндегі елдімекен жұрты Жайық өзені пен Соколок каналынан тасқын қаупі төнгенін айтады. Сондықтан екі айдынның бел ортасында орналасқан халық өз күштерімен қорған жасап жанталасуда. Бірақ техника тапшылығынан жұмыс тұралаған екен. Алайда ауыл әкімінің ақпараты мүлдем басқа. Тараптарды әріптесім Жұлдыз Тілеухан тыңдап қайтты.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Атыраудың іргесіндегі Ақсай-2 ауылының тұрғындары бір аптадан бері қапқа топырақ толтырып, өз күштерімен күндіз-түні бөгет жасап жанталасып жатыр. Себебі, Жайық пен Соколок каналының ортасында тұрған елдімекенге тасқын қаупі екі жақтан төніп тұр. Алайда қорған жасау жұмысын техника тапшылығы тұралатты дейді жұрт. Ал, әкімдік жіберген техника санаулы ғана уақытқа келеді екен.
БАҚЫТГҮЛ АХМЕТОВА, Ақсай -2 ауылының тұрғыны:
– Біздің әкім ешқандай жұмысты атқарып отырған жоқ деп есептеймін. Өйткені жұмыла көтерген жүк жеңіл дегендей жастарымыз күні-түні жұмыс жасап жатса да техниканың жетіспеушілігінен ешқандай жұмыс жүрмей жатыр. Өзім Жайық жағасында тұрамын. Су айтып келмейді. Сондықтан біздің мұң-мұқтажымызды әкім тыңдап, техника берсін.
РАУШАН МЕЙРАМ, Ақсай -2 ауылының тұрғыны:
– Техника жетіспейді, саны аз мүлдем. Тек қана сағат, уақытқа қана берді. 24 сағат техника жұмыс жасау керек. Басында таңғы 8-ден кешкі 10-ға дейін болды. Қазір тек түске дейін жүріп кетеді. Техникасыз бөгет жасалмайды. Бізге техника берсін. Мына жерде 4 шахман,1 погрузщик қаншама халық осымен үлгермей жауып жатыр. Техниканың саны өте аз.
Отыз мыңнан астам халқы бар ауыл ағайыны құлсарылықтардың күйін кешеміз бе деп алаңдайды. Сондықтан топан суға тосқауыл болу үшін төтеншеліктер, сарбаздар мен кәсіпкерлерді көмекке шақырады.
ӘДІЛБЕК ҚАЛИЕВ, Ақсай -2 ауылының тұрғыны:
– Бірінші мақсатта Жайықтың жағасы: техника неге аз десек, одан көбірек қосуға жетпейді. Мекемелерде тұрған бос техникаларды сұрасақ сынып тұр деп қырық сылтау айтып отыр. Кәсіпкерлер де қолғабыс етсе дейміз.
Ал ауыл әкімі тұрғындардың сөзін жоққа шығарды. Айтуынша, қазір Ақсай-1, Ақсай-2, Бесікті, Томарлы, Көктем ауылдарында техника бар. Керісінше бөгет салу жұмысы тоқтаусыз жүріп жатыр деп отыр.
ШАВХАТ ҚАЛИЕВ, Қайыршақты ауылдық округінің әкімі:
Техникалар жеткілікті. Кідіріссіз жұмыс жасауда. Ақсайдан Ақжар ауылына дейін бұл бекітілген аймақтарға жауаптылар өздерінің техникаларымен бекітуде. Ең бірінші Жайық бойындағы бөгеттерді жабамыз. Біздерге алдымен осы жақтарды бекіту, елді Жайық суынан, тасқыннан құтқару маңызды.
Өкінішке қарай Жайық өзеніндегі су деңгейі күн сайын көтеріліп жатыр. Қазір әскерилер, тұрғындар мен еріктілер сай-саланы бекітіп, алдын алу шараларын күшейткен. Айта кетейік, аймақта Жайықтың бойында 30-ға жуық елдімекен орналасқан. Су кей ауылдың іргесіне жетті.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық